'Verkragter' glo ook met suster, hond geslaap

“Is dit waar dat jy wag gestaan het terwyl jou seun sy seun verkrag het. Hy het ook gesê jy het so baie met sy ‘tollie’ gespeel dat hy na Lady Pohamba [hospitaal] toe moes gaan omdat dit so opgeswel was. Die kind is uit sy ma se toesig geneem en is by ’n roofdier gelos.”So het advokaat Seredina Jacobs gister aan die ouma (58) van die minderjarige kind (7) gesê wie se pa, ’n 36-jarige mediese dokter, hom na bewering in sy voertuig op die kind se skoolterrein verkrag het.Die ouma het die bewerings ten sterkste ontken en beweer haar eks-skoondogter, die ma van die minderjarige kind, het haar mes vir haar in omdat sy haar nie kon verdra nie en sy haar kind vir haarself wou hê.Jacobs het die ouma gevra of sy werklik oortuig is dat die polisie ’n kind uit haar sorg sal verwyder op grond van gerugte van molestering en omdat sy ma nie van haar hou nie?Die dokter en sy ma het gister in die landdroshof in Windhoek verskyn vir hul formele aansoek om borgtog waartydens meer besonderhede oor die voorval bekend gemaak is. Die vrou was die eerste een om die getuienisbank in te neem in die borgtogaansoek wat Maandag begin het.SEKS MET SUSTER, HONDDie vrou het glo geen reaksie getoon toe sy gevra is of sy daarvan bewus is dat haar seun, die mediese dokter, bevestig het dat hy ook met sy suster en die gesin se hond seks gehad het nie.Volgens Jacobs het die seun dit bevestig en beweer hulle het ’n toneel in ’n videospeletjie uitgebeeld, maar dit was glo net ’n grap.Die vrou het nie hierop gereageer nie. Sy het wel bevestig dat haar seun vir haar en sy pa vertel het dat hy deur sy neef gemolesteer is.Sy het volgehou dat die kind se ma hierdie leuens versin het, omdat sy nie van die familie gehou het nie aangesien hulle ryk is.Jacobs het haar daaraan herinner dat hierdie bewerings van verkragting en molestering nie van die kind se ma af kom nie, maar eerder die kind self.Sy het uit ’n beëdigde verklaring van ’n maatskaplike werker voorgelees oor haar interaksies met die kind.“Toe ek vra of hy al ooit ’n slegte aanraking ervaar het, het die kind geantwoord dat ‘ouma en dadda al aan my boude geraak het. Dadda gee vir my ’n lekker met baie suiker in en dit sal my siek maak op die maag en my kop sal pyn’.”Jacobs het die vrou gevra of dit waar is dat sy op 1 Februarie vanjaar na die kind se skool gegaan het waar die kind se pa na bewering vir hom so ’n lekkertjie gegee het, hom na sy motor geneem en met sy boude en privaat dele gespeel het.Die kind het glo vir die maatskaplike werker gesê dat “dit nie ’n lekker speletjie was nie, want dadda het my seer gemaak” en “ouma was ook by die skool en het buite die kar gestaan”.Die kind se pa was voorheen verbonde aan die eenheid vir geslagsgebaseerde geweld by die Katutura-staatshospitaal om verkragtingslagoffers te help en hy het na bewering talle kere vir sy kind sulke lekkers gegee.‘GETRAUMATISEERD’Die vrou het ook gesê sy het nooit vir haar seun gevra hoekom hy uit die gemeenskaplike huis met sy eksvrou getrek het nie, omdat sy glo so getraumatiseerd was deur die omstandighede en die bewerings.“Hy het my vertel van die bewerings en dat hy nie ’n spontane verhouding met sy kind mag hê nie. Hy het ook gesê dit gaan nie goed nie, dat hy nie die pa mag wees nie en daar is hierdie bewerings oor molestasie. “Sy [kind se ma] was agterdogtig oor ’n uitslag, maar al wat ek weet is dat sy die kind vir ’n anale ondersoek geneem het. Dit was nadat die pa uitgetrek het. Ek het dit [die bewerings] nie geglo nie,” het sy gesê.Sy het bevestig dat haar seun in 2019 met sy kind in die geselskap van &#039;n maatskaplike werker en die polisie by haar huis aangekom het, maar het Jacobs se konfrontasie dat hy gegaan het om die kind met geweld uit sy ma se werkplek te verwyder, verwerp.Die beskuldigdes word deur Sisa Namandje verteenwoordig, wat beswaar gemaak het teen die gebruik van die woorde “met geweld verwyder”.Hy het ook daarop gewys dat die hof nie sekondêre bewyse mag toelaat nie en het spesifiek verwys na die verslag van die maatskaplike werker wat die pa en ouma by die beweerde seksmisdade betrek.“Die staat plaas baie ontoelaatbare getuienis in die hof wat teen my kliënt gebruik kan word tydens die verhoor. As hierdie getuie [maatskaplike werker] ’n verklaring aflê, moet sy wag totdat sy in die hof is en wanneer sy daar is, kan sy daardie verslag voorlê,” het Namandje aangevoer.– republikein@republikein.com.na

'Verkragter' glo ook met suster, hond geslaap

Kommentaar

Republikein 2025-03-17

Meld asseblief aan om kommentaar te lewer

'Verkragter' glo ook met suster, hond geslaap

Kommentaar

Republikein 2025-03-17

Meld asseblief aan om kommentaar te lewer

MELD AAN

Advertensie