Avisdam se water loop

Water het gister in strome en riviere uit die Avisdam in Windhoek gevloei nadat die sluise oopgetrek is. Die Windhoekse munisipaliteit het die sluise van die dam, wat ’n gewilde wegbreek vir stappers en hondeliefhebbers in die hoofstad is, se sluise om 10:00 oopgetrek, nadat die dam sy volle kapasiteit bereik het. Volgens Paulus Ngolombe, ’n spesialis vir ramprisikobestuur by Stad Windhoek (CoW), is dit gedoen om moontlike skade aan eiendom in die hoofstad te verhoed sou die sluise vanself oopgaan weens hoë waterdruk. Verskeie strate in Windhoek is vooraf gesluit, met inwoners, motoriste en voetgangers in laagliggende gebiede soos Avis, Klein Windhoek en Eros wat ompaaie moes neem totdat die stroom water in riviere afgeloop het. Die dam is in 1933 deur die destydse Suidwes-Afrika Administrasie vir die Windhoek-munisipaliteit gebou om water aan die hoofstad te verskaf. FOTO’S Michelline Nawatises