Swakoprivier bekoor

Die Swakoprivier het Dinsdagaand die Atlantiese Oseaan bereik – die eerste keer sedert 2022. ’n Groot skare mense het tot ná sononder op en onder die brug by Swakopmund saamgedrom om dit te aanskou of in die water te baljaar. Adam Hartman van Erongo het berig die rivier het ’n massiewe kanaal van sowat 30 meter breed en byna twee meter diep vanaf die strandmeer tot in die see uitgekalwe. Teen sonop gister het die dramatiese vloei tot ’n klein stroompie verander. Die see het donkerbruin van die modder en sand verkleur, met selfs ’n paar varswatervisse wat uitgespoel het. Foto Olga Nesterenko