Air Namibia spook by TransNamib
Ogone Tlhage – TransNamib daag die status van Challenge Air se plaaslike agent Wilhelm Shali uit om namens die gelikwideerde Belgiese lugredery op te tree.
Challenge Air het die ontbinde lugredery vir beweerde wanbetaling vir die huur van die vliegtuig hof toe gesleep. Ná die likwidasie het Challenge Air nou TransNamib in sy visier om Air Namibia se skuld te vereffen toe dit nog ’n filiaal van die spooroperateur was.
Air Namibia het onder TransNamib geval toe die huurooreenkoms van die vliegtuig onderteken is. TransNamib hou egter voet by stuk dat dit nie verantwoordelik gehou kan word vir besluite wat deur Air Namibia se bestuur van destyds geneem is nie.
In reaksie op Challenge Air se regsaansoek, het TransNamib se waarnemende uitvoerende hoof, Webster Gonzo, in ’n verklaring gesê Shali is nie deur die Belgiese maatskappy se verteenwoordiger Anicet Baum, goedgekeur om in die maatskappy se regsgeding op te tree nie.
“Aanhangsel WS 1 by die beantwoordende beëdigde verklaring magtig Wilhelm Shali nie om namens Baum in hierdie verrigtinge op te tree nie. Dit hou verband met gesag om by skikkingsonderhandelinge betrokke te raak en aangeleenthede wat daarmee verband hou,” het Gonzo in ’n verklaring gesê.
“Ek ontken gevolglik die beweerde gesag van die deponent. Op alle en, inderdaad, op enige van die gemelde gronde moet die volmag geïgnoreer word en die teenkanting teen hierdie aansoek behoort op die rug van ’n gebrek aan mag van die hand gewys word. Dit is nie ’n tegniese punt nie, dit is fundamenteel,” het hy gesê.
Gonzo het ook ontken TransNamib was daarvan bewus dat Challenge Air dit wat hom toekom van die spoorwegoperateur wil eis.
“Dit was slegs nadat ’n brief van ’n regspraktisyn ontvang is op 13 Oktober 2022 en wat voorgee om namens Baum op te tree en betaling van TransNamib vir die bedrag van N$1 miljoen eis, dat TransNamib vir die eerste keer besef het Baum wil ’n kostebevel teen die maatskappy bring,” het hy gesê.
TransNamib het volgens Gonzo eers besef die maatskappy word vir Air Namibia se verhuringskoste verantwoordelik gehou, toe dit Challenge Air se funderende dokumente bestudeer het.
“Dit was eers kort nadat hierdie brief van 13 Oktober 2022 ontvang en ondersoek ingestel is, dat TransNamib vir die eerste keer bewus geraak het van die kostebevel teen die maatskappy.”
Baum se onvermoë om Challenge Air se kosterekening vir meer as drie jaar te bedien, is ook in twyfel getrek.
“Ek wys ook daarop dat die kostebevel hierin op 19 Julie 2016 toegeken is. Die kosterekening is deur Baum meer as drie jaar later op 28 September 2022 bedien. Baum versuim om te sê wat hy in daardie byna vier jaar probeer doen het.”
– [email protected]
Challenge Air het die ontbinde lugredery vir beweerde wanbetaling vir die huur van die vliegtuig hof toe gesleep. Ná die likwidasie het Challenge Air nou TransNamib in sy visier om Air Namibia se skuld te vereffen toe dit nog ’n filiaal van die spooroperateur was.
Air Namibia het onder TransNamib geval toe die huurooreenkoms van die vliegtuig onderteken is. TransNamib hou egter voet by stuk dat dit nie verantwoordelik gehou kan word vir besluite wat deur Air Namibia se bestuur van destyds geneem is nie.
In reaksie op Challenge Air se regsaansoek, het TransNamib se waarnemende uitvoerende hoof, Webster Gonzo, in ’n verklaring gesê Shali is nie deur die Belgiese maatskappy se verteenwoordiger Anicet Baum, goedgekeur om in die maatskappy se regsgeding op te tree nie.
“Aanhangsel WS 1 by die beantwoordende beëdigde verklaring magtig Wilhelm Shali nie om namens Baum in hierdie verrigtinge op te tree nie. Dit hou verband met gesag om by skikkingsonderhandelinge betrokke te raak en aangeleenthede wat daarmee verband hou,” het Gonzo in ’n verklaring gesê.
“Ek ontken gevolglik die beweerde gesag van die deponent. Op alle en, inderdaad, op enige van die gemelde gronde moet die volmag geïgnoreer word en die teenkanting teen hierdie aansoek behoort op die rug van ’n gebrek aan mag van die hand gewys word. Dit is nie ’n tegniese punt nie, dit is fundamenteel,” het hy gesê.
Gonzo het ook ontken TransNamib was daarvan bewus dat Challenge Air dit wat hom toekom van die spoorwegoperateur wil eis.
“Dit was slegs nadat ’n brief van ’n regspraktisyn ontvang is op 13 Oktober 2022 en wat voorgee om namens Baum op te tree en betaling van TransNamib vir die bedrag van N$1 miljoen eis, dat TransNamib vir die eerste keer besef het Baum wil ’n kostebevel teen die maatskappy bring,” het hy gesê.
TransNamib het volgens Gonzo eers besef die maatskappy word vir Air Namibia se verhuringskoste verantwoordelik gehou, toe dit Challenge Air se funderende dokumente bestudeer het.
“Dit was eers kort nadat hierdie brief van 13 Oktober 2022 ontvang en ondersoek ingestel is, dat TransNamib vir die eerste keer bewus geraak het van die kostebevel teen die maatskappy.”
Baum se onvermoë om Challenge Air se kosterekening vir meer as drie jaar te bedien, is ook in twyfel getrek.
“Ek wys ook daarop dat die kostebevel hierin op 19 Julie 2016 toegeken is. Die kosterekening is deur Baum meer as drie jaar later op 28 September 2022 bedien. Baum versuim om te sê wat hy in daardie byna vier jaar probeer doen het.”
– [email protected]
Kommentaar
Republikein
Geen kommentaar is op hierdie artikel gelaat nie