Gebrek aan behuising op Mariental, Rehoboth
Mariental en Rehoboth staar ernstige behuisingstekorte in die gesig met meer as 1 000 aansoekers wat wag vir residensiële erwe op Mariental en ’n agterstand van nagenoeg 4 000 op Rehoboth.
In Mariental bly sowat 1 073 aansoekers op die waglys vir residensiële erwe, terwyl informele nedersettings uit hul nate bars.
Mariental se behuising- en eiendomsbeampte, Moira Nowases, het hierdie uitdagings geuiter tydens ’n onlangse bespreking met die Nasionale Raad se staande komitee oor vervoer, infrastruktuur en behuising in die Hardapstreek.
“Faktore soos die Covid-19-pandemie en voortdurende droogtes het hierdie uitdagings vererger.
“Baie laerinkomstewerkers is van landbouplotte rondom die dorp afgelê, wat lei tot verhoogde verstedeliking namate hulle in stedelike gebiede intrek.
“Dit het geweldige druk op die plaaslike owerheid geplaas,” het sy gesê.
“Die Mariental-munisipaliteit het nie meer plase of plotte vir uitbreiding beskikbaar nie. Boonop verhoed die gebrek aan finansies die munisipaliteit om grond aan te koop om nuwe nedersettings te beplan en te vestig, wat verder bydra tot die stedelike grond- en behuisingstekort.”
Die dorp se behuisingswaglys, wat tussen 2017 en 2022 saamgestel is, sluit 1 073 aansoekers in. As gevolg van kommer oor deursigtigheid en bestuursuitdagings, het die raad die waglysstelsel gestaak en eerder ’n geslote bodproses gekies wat as meer deursigtig beskou word. Die vraag sal na verwagting styg namate nuwe aansoeke steeds ontvang word.
Volgens Nowases het die Shack Dwellers Federation of Namibia en die Namibia Housing Action Group, 6 100 mense geïdentifiseer wat in hierdie nedersettings woon, hoofsaaklik in die suidelike deel van die dorp.
LANG WAGLYS
“Die groot vraag na behuising, tesame met die impak van die pandemie, het gelei tot die vinnige uitbreiding van informele nedersettings.
“Die Built Together-program het tans 1 316 aansoekers wat in November 2023 aangeteken is. Die Shack Dwellers Federation of Namibia, ’n groot nie-regeringsorganisasie, het 380 aansoekers op sy waglys sedert Desember 2024,” het sy gesê.
“Om die agterstand in informele nedersettings te takel wat 1 906 huishoudings insluit, het die raad die buigsame grondbesitreg geïmplementeer. In Empelheim se Uitbreiding 5 is 'n hersoneringsproses voltooi, wat 730 erwe van gemiddeld 200 vierkante meter elk verskaf om inwoners van informele nedersettings te akkommodeer.”
Volgens haar belemmer finansiële beperkings egter pogings om die grond skoon te maak en dienste te verskaf.
“Die raad werk saam met gemeenskapsleiers om inwoners te betrek en hulle aan te moedig om na Empelheim se Uitbreiding 5 te verhuis, waar hulle uiteindelik permanente baksteenstrukture kan bou,” het Nowases bygevoeg.
Sy het gesê samesprekings met die lynministerie is aan die gang om finansiering te verkry vir die aankoop van gedeelte 16 van Plaas Kahas No. 89 en bykomende grond wat deur die Evangelies Lutherse Kerk van Namibië besit word.
“Tot dusver is 60 hektaar van die kerk verkry. Ingryping van die regering word versoek om die oorblywende grond te koop om diegene te akkommodeer wat nog nie in Aimablaagte se Uitbreidings 2 en 3 en Empelheim se Uitbreiding 5 geholpe is nie,” het sy gesê.
“Private ontwikkelaars speel ook ’n rol in die voorsiening van behuising. Vier private ontwikkelaars diens tans grond en bou huise, waarvan twee veral suksesvol is vanweë hul bekostigbare pryse en aantreklike behuisingsontwerpe,” het Nowases gesê.
AGTERSTAND
Intussen worstel Rehoboth ook met ’n groot behuisingsagterstand, met duisende inwoners wat steeds wag vir grondtoekennings.
Die raad se tegniese bestuurder, Rudolf Muhembo, het bevestig die waglys wat in 2023 opgedateer is, het die erns van die kwessie blootgelê, aangesien baie aansoekers óf oorlede is óf na ander dorpe verhuis het.
“Om akkuraatheid te verseker, het ons alle aansoekers genooi om hul besonderhede en dokumente, weer in te dien,” het Muhembo gesê.
Die bygewerkte data het getoon dat 2 500 aansoekers in die uiterste-lae-inkomstekategorie val en tussen N$100 en N$4 600 per maand verdien. Nog 150 aansoekers het onder die middel-inkomstegroep geval, terwyl 200 as hoë-inkomsteverdieners geklassifiseer is.
“Die munisipaliteit skat egter dat die werklike agterstand dalk nou nader aan 3 500 tot 4 000 aansoekers is.”
Volgens Muhembo word die stadige pas van stedelike grondlewering in Rehoboth belemmer deur verskeie uitdagings soos hoë koste en lang beplanningsprosesse.
“Die proses om stadsbeplanners en landmeters aan te stel, is beide duur en tydrowend, wat die broodnodige grondtoekenning vertraag,” het hy gesê.
Hy het bygevoeg dat duur gronddienste nog ’n dringende kwessie is, sowel as hoë werkloosheid, veral onder diegene in die uiterste-lae-inkomstegroep.
– [email protected]
In Mariental bly sowat 1 073 aansoekers op die waglys vir residensiële erwe, terwyl informele nedersettings uit hul nate bars.
Mariental se behuising- en eiendomsbeampte, Moira Nowases, het hierdie uitdagings geuiter tydens ’n onlangse bespreking met die Nasionale Raad se staande komitee oor vervoer, infrastruktuur en behuising in die Hardapstreek.
“Faktore soos die Covid-19-pandemie en voortdurende droogtes het hierdie uitdagings vererger.
“Baie laerinkomstewerkers is van landbouplotte rondom die dorp afgelê, wat lei tot verhoogde verstedeliking namate hulle in stedelike gebiede intrek.
“Dit het geweldige druk op die plaaslike owerheid geplaas,” het sy gesê.
“Die Mariental-munisipaliteit het nie meer plase of plotte vir uitbreiding beskikbaar nie. Boonop verhoed die gebrek aan finansies die munisipaliteit om grond aan te koop om nuwe nedersettings te beplan en te vestig, wat verder bydra tot die stedelike grond- en behuisingstekort.”
Die dorp se behuisingswaglys, wat tussen 2017 en 2022 saamgestel is, sluit 1 073 aansoekers in. As gevolg van kommer oor deursigtigheid en bestuursuitdagings, het die raad die waglysstelsel gestaak en eerder ’n geslote bodproses gekies wat as meer deursigtig beskou word. Die vraag sal na verwagting styg namate nuwe aansoeke steeds ontvang word.
Volgens Nowases het die Shack Dwellers Federation of Namibia en die Namibia Housing Action Group, 6 100 mense geïdentifiseer wat in hierdie nedersettings woon, hoofsaaklik in die suidelike deel van die dorp.
LANG WAGLYS
“Die groot vraag na behuising, tesame met die impak van die pandemie, het gelei tot die vinnige uitbreiding van informele nedersettings.
“Die Built Together-program het tans 1 316 aansoekers wat in November 2023 aangeteken is. Die Shack Dwellers Federation of Namibia, ’n groot nie-regeringsorganisasie, het 380 aansoekers op sy waglys sedert Desember 2024,” het sy gesê.
“Om die agterstand in informele nedersettings te takel wat 1 906 huishoudings insluit, het die raad die buigsame grondbesitreg geïmplementeer. In Empelheim se Uitbreiding 5 is 'n hersoneringsproses voltooi, wat 730 erwe van gemiddeld 200 vierkante meter elk verskaf om inwoners van informele nedersettings te akkommodeer.”
Volgens haar belemmer finansiële beperkings egter pogings om die grond skoon te maak en dienste te verskaf.
“Die raad werk saam met gemeenskapsleiers om inwoners te betrek en hulle aan te moedig om na Empelheim se Uitbreiding 5 te verhuis, waar hulle uiteindelik permanente baksteenstrukture kan bou,” het Nowases bygevoeg.
Sy het gesê samesprekings met die lynministerie is aan die gang om finansiering te verkry vir die aankoop van gedeelte 16 van Plaas Kahas No. 89 en bykomende grond wat deur die Evangelies Lutherse Kerk van Namibië besit word.
“Tot dusver is 60 hektaar van die kerk verkry. Ingryping van die regering word versoek om die oorblywende grond te koop om diegene te akkommodeer wat nog nie in Aimablaagte se Uitbreidings 2 en 3 en Empelheim se Uitbreiding 5 geholpe is nie,” het sy gesê.
“Private ontwikkelaars speel ook ’n rol in die voorsiening van behuising. Vier private ontwikkelaars diens tans grond en bou huise, waarvan twee veral suksesvol is vanweë hul bekostigbare pryse en aantreklike behuisingsontwerpe,” het Nowases gesê.
AGTERSTAND
Intussen worstel Rehoboth ook met ’n groot behuisingsagterstand, met duisende inwoners wat steeds wag vir grondtoekennings.
Die raad se tegniese bestuurder, Rudolf Muhembo, het bevestig die waglys wat in 2023 opgedateer is, het die erns van die kwessie blootgelê, aangesien baie aansoekers óf oorlede is óf na ander dorpe verhuis het.
“Om akkuraatheid te verseker, het ons alle aansoekers genooi om hul besonderhede en dokumente, weer in te dien,” het Muhembo gesê.
Die bygewerkte data het getoon dat 2 500 aansoekers in die uiterste-lae-inkomstekategorie val en tussen N$100 en N$4 600 per maand verdien. Nog 150 aansoekers het onder die middel-inkomstegroep geval, terwyl 200 as hoë-inkomsteverdieners geklassifiseer is.
“Die munisipaliteit skat egter dat die werklike agterstand dalk nou nader aan 3 500 tot 4 000 aansoekers is.”
Volgens Muhembo word die stadige pas van stedelike grondlewering in Rehoboth belemmer deur verskeie uitdagings soos hoë koste en lang beplanningsprosesse.
“Die proses om stadsbeplanners en landmeters aan te stel, is beide duur en tydrowend, wat die broodnodige grondtoekenning vertraag,” het hy gesê.
Hy het bygevoeg dat duur gronddienste nog ’n dringende kwessie is, sowel as hoë werkloosheid, veral onder diegene in die uiterste-lae-inkomstegroep.
– [email protected]
Kommentaar
Republikein
Geen kommentaar is op hierdie artikel gelaat nie