Mynbousektor soek waterinfrastruktuur

Ogone Tlhage - Die Namibiese Kamer van Mynwese sê die nasionale waterverskaffer NamWater sal in waterinfrastruktuur moet belê om projekte wat in die mynbousektor beplan word, te ondersteun.Veston Malango, die uitvoerende hoof van die kamer, het gesê belegging in infrastruktuur om vir Namibië se waterhonger uraanmyne en dié wat vir die toekoms beplan word, sal beleggersaptyt in die sektor verhoog.Volgens hom is lewensvatbaarheidstudies voltooi vir Bannerman se Etango-projek en Deep Yellow se Tumas-uraanprojekte, wat gretig is om weg te spring – sou uraanpryse in die nabye toekoms verbeter.Die afwesigheid van waterinfrastruktuur is ’n risiko vir hierdie projekte en ander toekomstige projekte, het Malango gesê.“Ons het meer beleggings in waterverskaffing nodig, want as uraan volgende maand tot meer as US$100 per pond kan styg, sal ons steeds nie kapitaal vir hierdie projekte insamel nie, want dan word dit ’n risiko. So, dit word tans bespreek,” het hy gesê.Die mynbousektor is afhanklik van die regering – deur NamWater – om in waterinfrastruktuur te belê, aangesien nuwe watervoorraad wat deur die ontwikkeling van die groenwaterstofsektor geskep word, slegs vir daardie doel beskikbaar sal wees, het Malango verduidelik.“Vir ons, wat vir mynbou beskikbaar sal wees, is dat NamWater in ontsouting belê of wat ook al hulle doen. Hulle moet belê, want ons gaan steeds voort om water van NamWater af te kry,” het hy gesê.OMSTREDE WETSONTWERPMalango het ook sy insette oor die nuwe wetsontwerp op billike ekonomiese bemagtiging gelewer en gesê die kamer het enige risiko wat met die omstrede konsepwet verband hou, verwyder. Die wetsontwerp het aanvanklik ’n aandeelbelang van 25% vir voorheen benadeelde gemeenskappe voorgestel, maar daar is sedertdien weggedoen met daardie voorstel.“Wat ons by die kamer gedoen het, is om die risiko te verwyder. Ek het gevra vir buigsaamheid, dat die regering buigsaam moet wees in dié verband, en dit is só aanvaar,” het hy gesê.“Daar is geen sprake van 25% nie. Nou bepaal jy as sektor wat vir jou doenbaar is, en dit is hoe ons die minimum bepaal het, wat 5% is. Die maksimum kan enigiets wees, maar die minimum is 5%,” het Malango bygevoeg. – republikein@republikein.com.na

Mynbousektor soek waterinfrastruktuur

Kommentaar

Republikein 2025-04-11

Meld asseblief aan om kommentaar te lewer

Mynbousektor soek waterinfrastruktuur

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie