Okahandja weer sonder water

Die munisipaliteit op Okahandja sê NamWater se hoofpyplyn na Okahandja wat die dorp van water voorsien, is beskadig ná swaar watervloei in die rivierbedding waar dit geleë is. Die hele dorp word deur die onderbreking geraak.

Die beskadigde pyp is in 'n rivierbedding wat tans vloei van water ervaar en wat onmiddellike herstelwerk onmoontlik maak. Tegniese spanne is egter op bystand en sal met herstelwerk begin sodra die weer opklaar en die rivierbedding droog is. Inwoners is aangemoedig om enige beskikbare water spaarsamig te gebruik.