Rundu met beurtwater gedreig
Skuld meer as N$330 miljoen
Die dorp se uitstaande skuld lei gereeld tot wateronderbrekings, wat inwoners dae en somtyds weke sonder kraanwater laat.
Die nasionale watervoorsiener, NamWater, het gedreig om die Rundu-dorpsraad se watervoorsiening te rantsoeneer oor uitstaande skuld van sowat N$330 miljoen.
In ’n brief gedateer 18 Februarie en wat deur Network Media Hub (NMH) gesien is, het NamWater se uitvoerende hoof, Abraham Nehemia, ’n finale waarskuwing uitgereik rakende die dorpsraad se agterstallige rekening van N$333,9 miljoen.
“Briewe waarin die raad in kennis gestel word van sy status as wanbetaler, is al by verskeie geleenthede gestuur. Tot op hede het ons nog geen betaling of ’n aanvaarbare terugbetalingsvoorstel ontvang nie.
“Indien betaling of remediërende voorstelle nie teen 28 Februarie ontvang word nie, sal ons geen ander keuse hê as om watervoorsiening te rantsoeneer nie. Die laaste betaling op die rekening was in November 2024,” lui die brief.
Ten spyte van die dreigement het die dorpsraad se uitvoerende hoof, Olavi Nathanael, die publiek verseker daar is geen rede om paniekerig te raak nie en het daarop aangedring dat “alles onder beheer is”.
Hy het verduidelik dat die raad oorskakel na ’n voorafbetaalde stelsel om skuld te bestuur, met NamWater wat ook deel van die plan is.
“Daar is ’n hele rangorde in plek. Ons beweeg na ’n voorafbetaalde stelsel om skuld te help bestuur en NamWater is ook deel hiervan.
“Hulle werk aan ’n drieparty-ooreenkoms wat ons, NamWater en die ministerie van landelike en stedelike ontwikkeling insluit. Die skuld is van krag en die laaste syfer wat hulle aan ons verskaf het, was N$333 miljoen.
“Daarom implementeer ons as raad die voorafbetaalde stelsel om geld in werklike tyd in te samel. Dit is deel van ons skuldbestuurstrategie,” het Nathanael gesê.
Onder dié stelsel sal 30% van betalings van verbruikers met uitstaande skuld vir die delging van ou skuld gaan, terwyl 70% vir huidige waterverbruik gebruik sal word.
“Die ooreenkoms is noodsaaklik om NamWater te ondersteun, terwyl dit ook volgehoue diens verseker. Dit is hoekom die ooreenkoms drie partye betrek: die ministerie van landelike en stedelike ontwikkeling, NamWater en onsself,” het Nathanael gesê.
Oor die kwessie van die rantsoenering van water het hy gesê NamWater se jongste stap is in ooreestemming met prosedure.
“Ons is in die proses om ’n vergadering te skeduleer om die fynere besonderhede te finaliseer, want die ooreenkoms moet van hulle kant af gesluit word. Hierdie ooreenkoms gaan oor die vereffening van skuld.
“Onthou, ons het ’n ingryping gehad, hetsy op 30 September 2021 of 2022, ek is nie seker oor die presiese jaar nie. Toe was NamWater veronderstel om ons te help met ’n toelaag van die Afrika-ontwikkelingsbank wat verseker is as gevolg van ons ingryping.
“Hulle het egter nog nie die geld, wat geoormerk was vir die opgradering van die waterinfrastruktuur, uitbetaal nie,” het hy gesê.
“As hulle nie hul verpligtinge nagekom het nie, hoe kan hulle ons dreig? Dit maak nie sin nie. Dit is hoekom hulle vir ’n vergadering gevra het saam met ander plaaslike owerhede wat uitstaande skuld het.
“Ek glo hulle gaan ons in een kamer bymekaarbring om die ooreenkoms te bespreek wat hulle opgestel het.”
Rundu se skuld aan NamWater het die afgelope paar jaar die hoogte ingeskiet. In September 2019 het die dorp N$76 miljoen geskuld en teen 30 Junie 2023 het dit tot N$200 miljoen gestyg, volgens die raad se strategiese finansiële hoof, Sam Nekaro.
Hy het dié syfers gedurende ’n parlementêre verhoor in 2023 bekend gemaak tydens ’n mosie om plaaslike owerhede se geskiedkundige skuld af te skryf.
NMH het vroeër berig oor Rundu se uitstaande skuld wat tot gereelde wateronderbrekings gelei en inwoners vir dae en somtyds weke sonder kraanwater gelaat het.
’n Maand gelede is berig dat die dorp se verslegtende waterkrisis lankal voorspel is, maar dat vroeë waarskuwings geïgnoreer is. Voorspellings van jare terug het gewaarsku dat Rundu teen 2020 ernstige watertekorte in die gesig kan staar.
Dié waarskuwings is nou die harde werklikheid met die dorp se bevolking wat lankal sy verouderde waterinfrastruktuur ontgroei het.
Tydens ’n ontmoeting verlede jaar met die minister van landelike en stedelike ontwikkeling, Erastus Uutoni, het die dorp se burgemeester, Gabriel Kanyanga, erken die situasie is kritiek.
“Rundu se waterkwessie wentel om ’n snelgroeiende bevolking wat vinniger groei as die infrastruktuur wat ons tans het. Vanaf die rivier en die reservoir hou die bestaande infrastruktuur nie by die bevolking se behoeftes nie,” het hy gesê.
“As ’n raad is ons al jare hieroor in gesprek met NamWater, die goewerneur van Kavango-Oos en die voorsitter van die streekraad.
“Toe ek die vorige verslae ontvang het, was dit duidelik dat Rundu teen 2020 wateruitdagings in die gesig kan staar. Ongelukkig het daardie voorspellings nou waar geword,” het hy gesê.
– [email protected]
In ’n brief gedateer 18 Februarie en wat deur Network Media Hub (NMH) gesien is, het NamWater se uitvoerende hoof, Abraham Nehemia, ’n finale waarskuwing uitgereik rakende die dorpsraad se agterstallige rekening van N$333,9 miljoen.
“Briewe waarin die raad in kennis gestel word van sy status as wanbetaler, is al by verskeie geleenthede gestuur. Tot op hede het ons nog geen betaling of ’n aanvaarbare terugbetalingsvoorstel ontvang nie.
“Indien betaling of remediërende voorstelle nie teen 28 Februarie ontvang word nie, sal ons geen ander keuse hê as om watervoorsiening te rantsoeneer nie. Die laaste betaling op die rekening was in November 2024,” lui die brief.
Ten spyte van die dreigement het die dorpsraad se uitvoerende hoof, Olavi Nathanael, die publiek verseker daar is geen rede om paniekerig te raak nie en het daarop aangedring dat “alles onder beheer is”.
Hy het verduidelik dat die raad oorskakel na ’n voorafbetaalde stelsel om skuld te bestuur, met NamWater wat ook deel van die plan is.
“Daar is ’n hele rangorde in plek. Ons beweeg na ’n voorafbetaalde stelsel om skuld te help bestuur en NamWater is ook deel hiervan.
“Hulle werk aan ’n drieparty-ooreenkoms wat ons, NamWater en die ministerie van landelike en stedelike ontwikkeling insluit. Die skuld is van krag en die laaste syfer wat hulle aan ons verskaf het, was N$333 miljoen.
“Daarom implementeer ons as raad die voorafbetaalde stelsel om geld in werklike tyd in te samel. Dit is deel van ons skuldbestuurstrategie,” het Nathanael gesê.
Onder dié stelsel sal 30% van betalings van verbruikers met uitstaande skuld vir die delging van ou skuld gaan, terwyl 70% vir huidige waterverbruik gebruik sal word.
“Die ooreenkoms is noodsaaklik om NamWater te ondersteun, terwyl dit ook volgehoue diens verseker. Dit is hoekom die ooreenkoms drie partye betrek: die ministerie van landelike en stedelike ontwikkeling, NamWater en onsself,” het Nathanael gesê.
Oor die kwessie van die rantsoenering van water het hy gesê NamWater se jongste stap is in ooreestemming met prosedure.
“Ons is in die proses om ’n vergadering te skeduleer om die fynere besonderhede te finaliseer, want die ooreenkoms moet van hulle kant af gesluit word. Hierdie ooreenkoms gaan oor die vereffening van skuld.
“Onthou, ons het ’n ingryping gehad, hetsy op 30 September 2021 of 2022, ek is nie seker oor die presiese jaar nie. Toe was NamWater veronderstel om ons te help met ’n toelaag van die Afrika-ontwikkelingsbank wat verseker is as gevolg van ons ingryping.
“Hulle het egter nog nie die geld, wat geoormerk was vir die opgradering van die waterinfrastruktuur, uitbetaal nie,” het hy gesê.
“As hulle nie hul verpligtinge nagekom het nie, hoe kan hulle ons dreig? Dit maak nie sin nie. Dit is hoekom hulle vir ’n vergadering gevra het saam met ander plaaslike owerhede wat uitstaande skuld het.
“Ek glo hulle gaan ons in een kamer bymekaarbring om die ooreenkoms te bespreek wat hulle opgestel het.”
Rundu se skuld aan NamWater het die afgelope paar jaar die hoogte ingeskiet. In September 2019 het die dorp N$76 miljoen geskuld en teen 30 Junie 2023 het dit tot N$200 miljoen gestyg, volgens die raad se strategiese finansiële hoof, Sam Nekaro.
Hy het dié syfers gedurende ’n parlementêre verhoor in 2023 bekend gemaak tydens ’n mosie om plaaslike owerhede se geskiedkundige skuld af te skryf.
NMH het vroeër berig oor Rundu se uitstaande skuld wat tot gereelde wateronderbrekings gelei en inwoners vir dae en somtyds weke sonder kraanwater gelaat het.
’n Maand gelede is berig dat die dorp se verslegtende waterkrisis lankal voorspel is, maar dat vroeë waarskuwings geïgnoreer is. Voorspellings van jare terug het gewaarsku dat Rundu teen 2020 ernstige watertekorte in die gesig kan staar.
Dié waarskuwings is nou die harde werklikheid met die dorp se bevolking wat lankal sy verouderde waterinfrastruktuur ontgroei het.
Tydens ’n ontmoeting verlede jaar met die minister van landelike en stedelike ontwikkeling, Erastus Uutoni, het die dorp se burgemeester, Gabriel Kanyanga, erken die situasie is kritiek.
“Rundu se waterkwessie wentel om ’n snelgroeiende bevolking wat vinniger groei as die infrastruktuur wat ons tans het. Vanaf die rivier en die reservoir hou die bestaande infrastruktuur nie by die bevolking se behoeftes nie,” het hy gesê.
“As ’n raad is ons al jare hieroor in gesprek met NamWater, die goewerneur van Kavango-Oos en die voorsitter van die streekraad.
“Toe ek die vorige verslae ontvang het, was dit duidelik dat Rundu teen 2020 wateruitdagings in die gesig kan staar. Ongelukkig het daardie voorspellings nou waar geword,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie