Safland bou Lüderitz se eerste inkoopsentrum
Amptelike opening laat 2026
Die konstruksiefase sal na verwagting 200 werksgeleenthede skep, met 250 poste wat op die lang termyn verwag word.
Die Safland Property Group beplan om Lüderitz se eerste inkoopsentrum te bou en die voorbereidings vir die projek – wat 10 500 vierkante meter sal beslaan en sowat N$210 miljoen sal kos – is reeds aan die gang.
Die sentrum sal op Bayweg (B4) geleë wees en sal maklik toeganklik wees. Bykomend sal ’n lodge met 50 beddens ook onafhanklik van die winkelsentrum gebou word.
“Ons is tevrede met die vordering vir die langverwagte inkoopsentrum en die nuwe werksgeleenthede en dienste wat dit sal bring,” sê Lüderitz se burgemeester, Phillipus Balhao.
Hy het ’n beroep op belangstellende huurders gedoen om die geleentheid aan te gryp.
Tydens die konstruksiefase sal 200 werksgeleenthede na verwagting geskep word, met 250 permanente poste op die lang termyn. Huurders sal volgens huidige inligting in Augustus 2026 kan intrek en die amptelike opening word vir 1 November 2026 beplan.
Shoprite sal die hoofhuurder in die sentrum wees, met Safland wat met belanghebbende partye sal onderhandel vir die oorblywende 26 winkels.
Die direkteur van verhurings, Charles Fourie, sê 70% van die ruimte moet verhuur word voordat die konstruksieproses kan begin. Die oorblywende 30% sal vir nuwe huurders oorbly. Kos en ander spysenieringsdienste vir die lodge met 50 beddens sal deur Butcher Block, een van die huurders in sentrum, verskaf word.
Die Lüderitz-inkoopsentrum is een van verskeie projekte wat deel is van Safland se tweede ontwikkelingsfase wat ook winkelsentrums op Oshakati, Katima Mulilo, Nkurenkuru, Eenhana en Oranjemund insluit.
Safland het voorheen verskeie bekende inkoopsentrums in Namibië ontwikkel, insluitend The Grove Mall of Namibia in Windhoek, Gwashamba in Ondangwa, asook die Rundu-inkoopsentrum en Dunes Mall op Walvisbaai.
Die maatskappy is tans besig met die konstruksie van die Goreangab-inkoopsentrum saam met Oryx Properties, met laasgenoemde wat dit na voltooiing sal bestuur.
’n Besluit oor ’n medebelegger vir die Lüderitz-projek word later vandeesmaand verwag.
– [email protected]
Die sentrum sal op Bayweg (B4) geleë wees en sal maklik toeganklik wees. Bykomend sal ’n lodge met 50 beddens ook onafhanklik van die winkelsentrum gebou word.
“Ons is tevrede met die vordering vir die langverwagte inkoopsentrum en die nuwe werksgeleenthede en dienste wat dit sal bring,” sê Lüderitz se burgemeester, Phillipus Balhao.
Hy het ’n beroep op belangstellende huurders gedoen om die geleentheid aan te gryp.
Tydens die konstruksiefase sal 200 werksgeleenthede na verwagting geskep word, met 250 permanente poste op die lang termyn. Huurders sal volgens huidige inligting in Augustus 2026 kan intrek en die amptelike opening word vir 1 November 2026 beplan.
Shoprite sal die hoofhuurder in die sentrum wees, met Safland wat met belanghebbende partye sal onderhandel vir die oorblywende 26 winkels.
Die direkteur van verhurings, Charles Fourie, sê 70% van die ruimte moet verhuur word voordat die konstruksieproses kan begin. Die oorblywende 30% sal vir nuwe huurders oorbly. Kos en ander spysenieringsdienste vir die lodge met 50 beddens sal deur Butcher Block, een van die huurders in sentrum, verskaf word.
Die Lüderitz-inkoopsentrum is een van verskeie projekte wat deel is van Safland se tweede ontwikkelingsfase wat ook winkelsentrums op Oshakati, Katima Mulilo, Nkurenkuru, Eenhana en Oranjemund insluit.
Safland het voorheen verskeie bekende inkoopsentrums in Namibië ontwikkel, insluitend The Grove Mall of Namibia in Windhoek, Gwashamba in Ondangwa, asook die Rundu-inkoopsentrum en Dunes Mall op Walvisbaai.
Die maatskappy is tans besig met die konstruksie van die Goreangab-inkoopsentrum saam met Oryx Properties, met laasgenoemde wat dit na voltooiing sal bestuur.
’n Besluit oor ’n medebelegger vir die Lüderitz-projek word later vandeesmaand verwag.
– [email protected]
Kommentaar
Republikein
Geen kommentaar is op hierdie artikel gelaat nie