Staat, Hyphen stamp koppe oor personeel se behuising

TOIVO NDJEBELA - Die regering “bied teenstand” teen ’n voorstel deur sy groenwaterstofvennoot, Hyphen Hydrogen Energy, dat die staat behuising en verwante infrastruktuur moet aanbou vir al Hyphen se werknemers sowel as diegene wat vir voorsieningsmaatskappye in en om Lüderitz werk.Die inhoud van die memorandum oor die uitvoerbaarheid en implementering van die konsepwet waarop die partye ooreengekom het en wat Woensdag deur die Affirmative Repositioning (AR)-aktivis, mnr. Job Amupanda, openbaar gemaak is, wys die regering se onderhandelingspan en Hyphen het nie konsensus oor die behuisingskwessie bereik nie. Die memorandum is een van die kritieke stappe in die proses om die groenwaterstofplan van US$10 miljard (N$170 miljard), ׄn vlagskipprojek onder die Geingob-administrasie, deur te voer.BEHUISINGSDEBATHyphen glo die regering moet verantwoordelik wees vir behuising vir werknemers nadat die kommersiële bedrywighede van die groenwaterstofprojek afgeskop het.Dit omdat die regering verantwoordelik is vir “die algemene maatskaplike en ekonomiese ontwikkeling van die gebied” waar werknemers gevestig sal wees.“Die regering se onderhandelingspan het teenstand teen hierdie verdeling van verantwoordelikheid gebied...” lui ’n memorandum deur die regsfirma Clifford Chance Europe LLP, wat as Hyphen se verteenwoordiger optree.Soos sake staan, mik Hyphen en die regering om in Januarie 2025 met bouwerk te begin, met die eerste fase wat teen die einde van 2026 sal afskop – met die belofte van duisende werksgeleenthede.WET OP SINTETIESE BRANDSTOFIn April het Namibië se groenwaterstofkommissaris, mnr. James Mnyupe, aangekondig dat die regering begin werk het aan wetgewing oor sintetiese brandstowwe wat alles verband hou met groenwaterstof en ander sintetiese brandstowwe sal beheer. Volgens die konsepmemorandum wat Amupanda vrygestel het, sal Hyphen ’n kritieke rol speel in die formulering van hierdie wet.“Weens die belangrikheid van hierdie wetgewing vir Hyphen, is daar ’n prosedure uiteengesit waarvolgens [die regering] met Hyphen sal konsulteer en die maatskappy van die regering se voorstelle vir die wetgewing sal voorsien,” lui die memorandum.“Hyphen sal dan die vermoë hê om in te weeg op daardie wetgewing (met die wete dat hierdie reg nie eksklusief aan Hyphen is nie), sodat die regering ook met ander belanghebbende rolspelers kan konsulteer indien hy sou wou. IN LYN Die memorandum lig uit dat indien die wet op sintetiese brandstof op die ou einde die groenwaterstofprojek onuitvoerbaar maak, of as dit nie aanvaar word nie, dit as ’n staatsrisiko-gebeurtenis beskou sal word – waarvoor die regering Hyphen sal moet vergoed vir sy belegging in die projek.Kommer is uitgespreek oor Hyphen se voorstel dat die wet op sintetiese brandstof opgestel moet word in ooreenstemming met die haalbaarheids- en implementeringsooreenkoms tussen Hyphen en die regering – terwyl dit in werklikheid ’n wet vir die hele bedryf behoort te wees.“Dit sal belangrik wees dat die regering konsepte van die wetsvoorstelle hersien om te verseker dat dit in ooreenstemming is met die [haalbaarheids- en implementeringsooreenkoms] om nie onbedoelde konfliksituasies te skep wat aanleiding kan gee tot onuitvoerbaarheid waarvoor die regering verantwoordelik sou wees nie.“Dit beteken die fiskale bepalings van die haalbaarheids- en implementeringsooreenkoms bepaal in wese wat die wet op sintetiese brandstof moet sê oor die fiskale omgewing vir waterstofbedryfsentiteite,” lui die memorandum verder. RISIKO’S VIR BELASTINGBETALERSHyphen vra indien dié wet in die toekoms verander word, moet Namibië onderneem om “die beleggers te vergoed vir veranderinge in die wet vanaf ’n basisdatum, gegewe dat voldoening aan enige wetsverandering ’n vereiste van betroubare voortgesette bedrywighede sal wees.”“Om duidelik te wees, die regering kan altyd die wet verander en vereis dat Hyphen aan daardie wetsverandering voldoen – die kwessie is watter party verantwoordelik sal wees vir die finansiële gevolge van die wetsverandering.”’n Plaaslike ekonoom het Woensdag gesê: “Dit lyk of die Namibiese belastingbetaler baie van die risiko gaan dra.” “Dit lyk ook asof massiewe belasting- en ander konsessies vereis en oorweeg word, insluitend die opstelling van ’n wet wat Hyphen bevoordeel. Dit lyk asof hulle [Hyphen] eksklusiwiteit oor waterstofproduksie wil hê, wat duidelik mededingend is; dit is met die eerste oogopslag nogal kommerwekkend.” – republikein@republikein.com.na

Staat, Hyphen stamp koppe oor personeel se behuising

Kommentaar

Republikein 2025-01-15

Meld asseblief aan om kommentaar te lewer

Staat, Hyphen stamp koppe oor personeel se behuising

Kommentaar

Republikein 2025-01-15

Meld asseblief aan om kommentaar te lewer

MELD AAN

Advertensie