Tolstelsel op pad na Namibië
‘Genoeg verkeer’ om stelsel te handhaaf
Motoriste kan binnekort nóg meer opdok om hul motors op die paaie te hou nadat 'n RFA-studie bevind het daar is genoeg motors in die land om tolhekke op sommige dele van die nasionale padnetwerk op te rig.
Die Padfondsadministrasie (RFA) het ‘n studie uitgevoer oor die haalbaarheid daarvan om ‘n tolstelsel in Namibië te implementeer, en gesê data toon die land het genoeg verkeersvloei om dit te ondersteun.
Die RFA is tans hoogs afhanklik van brandstofheffings om Namibië se padnetwerk van 50 000 kilometer in stand te hou, het me. Patricia Keeja, waarnemende uitvoerende hoof, gesê.
“’n Uitvoerbaarheidstudie is twee jaar gelede afgehandel, wat basies vasgestel het dat Namibië genoeg verkeersvloei het om tolhekke op verskeie punte op te rig. Hierdie studie is met beleidmakers gedeel en ’n kabinetskomitee het die groenlig gegee om voort te gaan om belanghebbendes in hierdie verband te betrek,” het sy gesê.
NODIGE INKOMSTESTROOM
Die gebruik van ’n tolstelsel kan ‘n noodsaaklike inkomstestroom wees aangesien fondse wat deur brandstofheffings gegenereer word, na verwagting onder druk sal kom, het Keeja bygevoeg.
“Die wêreld beweeg weg van binnebrandenjins na elektriese voertuie en teen 2030 sal die meeste gevorderde ekonomieë nie meer voertuie met binnebrandenjins vervaardig nie. Hierdie voertuie sal dus binnekort daarna uitgefaseer word.
“Dit skep ‘n reuse-finansieringsprobleem vir ons as padfonds, aangesien 54% van ons inkomste uit brandstofheffings kom. Gevolglik het ons ‘n strategiese besluit geneem om oor te skakel na afstandgebaseerde heffings vir padgebruikers, waarvan tol net een so ‘n heffing in ons gereedskapkis is.”
Die RFA, het Keeja opgemerk, kon hulle tot die Suider-Afrikaanse Ontwikkelingsgemeenskap (SADC) wend vir goeie voorbeelde.
“Die RFA hoef nie ver te kyk vir voorbeelde van suksesvolle tolstelsels nie aangesien lande in die gebied, naamlik Suid-Afrika, Malawi, Zambië, Zimbabwe en Mosambiek, tolstelsels suksesvol geïmplementeer het.”
KOSTE
Die administrateur is nou in die proses om inligting in te samel om te bepaal wat ‘n netwerk van tolhuise sal kos en om die finansiële lewensvatbaarheid van die plan te bepaal deur die netto huidige waardasie van so ‘n projek te gebruik, het sy gesê.
Op die vraag oor watter tipe tolstelsel gebruik sal word, met die Windhoek-Okahandja-pad as voorbeeld, het Keeja gesê dit kan bestaan uit ‘n tolhuis met ‘n operateur by elke afrit.
“Op die oomblik kyk ons na ‘n geslote tolstelsel met konvensionele tolhokke. Wat dit beteken is dat daar ‘n tolhuisie met ‘n operateur by elke afrit op die tolpad sal wees. Windhoek na Okahandja het byvoorbeeld 20 afritte,” het sy gesê.
– [email protected]
Die RFA is tans hoogs afhanklik van brandstofheffings om Namibië se padnetwerk van 50 000 kilometer in stand te hou, het me. Patricia Keeja, waarnemende uitvoerende hoof, gesê.
“’n Uitvoerbaarheidstudie is twee jaar gelede afgehandel, wat basies vasgestel het dat Namibië genoeg verkeersvloei het om tolhekke op verskeie punte op te rig. Hierdie studie is met beleidmakers gedeel en ’n kabinetskomitee het die groenlig gegee om voort te gaan om belanghebbendes in hierdie verband te betrek,” het sy gesê.
NODIGE INKOMSTESTROOM
Die gebruik van ’n tolstelsel kan ‘n noodsaaklike inkomstestroom wees aangesien fondse wat deur brandstofheffings gegenereer word, na verwagting onder druk sal kom, het Keeja bygevoeg.
“Die wêreld beweeg weg van binnebrandenjins na elektriese voertuie en teen 2030 sal die meeste gevorderde ekonomieë nie meer voertuie met binnebrandenjins vervaardig nie. Hierdie voertuie sal dus binnekort daarna uitgefaseer word.
“Dit skep ‘n reuse-finansieringsprobleem vir ons as padfonds, aangesien 54% van ons inkomste uit brandstofheffings kom. Gevolglik het ons ‘n strategiese besluit geneem om oor te skakel na afstandgebaseerde heffings vir padgebruikers, waarvan tol net een so ‘n heffing in ons gereedskapkis is.”
Die RFA, het Keeja opgemerk, kon hulle tot die Suider-Afrikaanse Ontwikkelingsgemeenskap (SADC) wend vir goeie voorbeelde.
“Die RFA hoef nie ver te kyk vir voorbeelde van suksesvolle tolstelsels nie aangesien lande in die gebied, naamlik Suid-Afrika, Malawi, Zambië, Zimbabwe en Mosambiek, tolstelsels suksesvol geïmplementeer het.”
KOSTE
Die administrateur is nou in die proses om inligting in te samel om te bepaal wat ‘n netwerk van tolhuise sal kos en om die finansiële lewensvatbaarheid van die plan te bepaal deur die netto huidige waardasie van so ‘n projek te gebruik, het sy gesê.
Op die vraag oor watter tipe tolstelsel gebruik sal word, met die Windhoek-Okahandja-pad as voorbeeld, het Keeja gesê dit kan bestaan uit ‘n tolhuis met ‘n operateur by elke afrit.
“Op die oomblik kyk ons na ‘n geslote tolstelsel met konvensionele tolhokke. Wat dit beteken is dat daar ‘n tolhuisie met ‘n operateur by elke afrit op die tolpad sal wees. Windhoek na Okahandja het byvoorbeeld 20 afritte,” het sy gesê.
– [email protected]
Kommentaar
Sakkie Mostert
Die minister moet net in aanmerking neem dat daar moet 'n alternatiewe roete wees om te gebruik, indien nie mag daar nie 'n tol gevra word nie.