Uitbreiding van Hage G. Geingob-snelweg geopen

Die Paaieowerheid (RA) het amptelik die volle tien kilometer van die dr. Hage G. Geingob-snelweg geopen. Laasgenoemde word op N$2,8 miljard beraam. In Augustus het president Nangolo Mbumba amptelik die Hosea Kutako Internasionale Lughawe-snelweg ter ere van sy verjaarsdag na wyle president Geingob verander. Die RA se uitvoerende hoof Conrad Lutombi het die opening van die snelweg as ‘n mylpaal en groot stap beskryf om verbinding in en om Windhoek te verbeter.

“Voorheen was die pad net oop tot by die Robert Mugabe-wisselweg, maar padgebruikers het nou toegang tot die dr. Sam Nujoma-wisselweg en wat Avis, Eros en Kleine Kuppe verbind,” het Lutombi gesê.

Die ontwikkeling stel nou ook reisigers van die Hosea Kutako Internasionale Lughawe in staat om toegang tot die snelweg via die Avis-wisselpad te kry, terwyl bestuurders van Okahandja deur middel van die westelike verbypad toegang kry. Die hoop is dat die uitbreiding druk op paaie sal verlig en veral swaar vragmotors wat ‘n ompad om Windhoek neem.

Volgens Lutombi sal die snelweg na die lughawe teen Maart volgende jaar ten volle in werking wees. Dit sluit die byvoeging van die Finkenstein- en Dobra River-wisselpaaie in.

Met verwysing na opeenhopings op die westelike verbypad, het Lutombi die uitdagings erken wat deur beperkings op die begroting in die aanvanklike konstruksiefase geplaas is. Volgens hom het die RA die Sentrale Verkrygingsraad van Namibië (CPBN) vir goedkeuring genader om die betrokke gedeelte op te gradeer. Die opgradering sal ‘n volle wisselpad insluit, sowel as verlengings aan sleutelbrûe. Die plan is ook om oorhoofse voetgangerbrûe oor die westelike verbypad op te rig. - [email protected]