Jong wetenskaplikes stel vernuf ten toon

“Die wetenskapuitstalling verwesenlik die bevordering en ontwikkeling van navorsing, wetenskap, tegnologie en innovasie onder leerlinge en onderwysers, terwyl ’n gemeenskaplike doelwit bevorder word in navorsing, wetenskaplike tegnologie, en innovasiedenke.” So het die waarnemende uitvoerende hoof van die Nasionale Raad vir Navorsing, Wetenskap en Tegnologie (NCRST), Albertina Ngurare Vrydag tydens die nasionale wetenskapuitstalling se prysuitdeling gesê.Leerlinge van oraloor die land het deur die loop van die week meegeding om hul vernuf en praktiese toepassing van wetenskap ten toon te stel en die uitstalling het Vrydag in die hoofstad ten einde geloop.Die NCRST, in samewerking met die ministerie van onderwys, kuns en kultuur, en met die ondersteuning van Debmarine Namibia wat N$1 miljoen geborg het, het die geleentheid by die Safari Hotel in Windhoek gereël.Volgens haar sal die raad kyk na die verdere ontwikkeling van die projekte wat uitgestaan het. “Die NCRST oorweeg maniere om hierdie idees verder te ontwikkel en modelle om die gemeenskapsprobleme wat in elke projek geïdentifiseer is, te takel. Ons het ’n paar projekte gesien wat funksionele modelle vir demonstrasiedoeleindes is, maar daar is nog ’n behoefte aan bykomende werk om die projekte ten volle tot skaal voor te berei. “Daarom doen ons ’n beroep op ons universiteite, die bedryf en die regering om verder saam te werk om die ontwikkeling van die demonstrasiemodelle te finansier deur ’n nywerheidsontwerpproses te vind, vir innoverend oplossings wat op ons ontwikkelingsbehoeftes reageer,” het sy gesê.Adjunkminister Faustina Kaley het namens die onderwysministerie gesê die vinnige veranderinge in wetenskap en tegnologie, en die inwerkingstelling van nuwe tegnologie, het die ontwikkelingsvooruitsigte van talle nasies verander. “Die aanvaarding van nuwe tegnologie het sommige ontwikkelende nasies nuwe hoop gegee, terwyl ander verder agter geraak het in ekonomiese terme,” voeg sy by.Stella Ipinge, woordvoerder van Debmarine Namibia, het gesê: “As een van die hoofrolspelers in mariene diamantherwinning, word ons gekonfronteer met uitdagings wat verband hou met die ernstige tekort aan gekwalifiseerde en bekwame mense met vaardighede op dié gebied. “Ons maak baie staat op die ontwikkeling van ons eie talent-hulpbronpoel,” sê sy. “’n Belegging in ons toekomstige wetenskaplikes hier, sal voordelig vir ons maatskappy en vir ons land in die toekoms wees,” sê sy. “Wetenskap is die kern van ons bedrywighede en om die uitstalling te borg is eintlik &#039;n langtermynbelegging vir ons,” het Ipinge gesê.“Ek kan die toekoms sien in wat julle gebou het en is beïndruk, omdat dit vir my duidelik is dat jongmense glo dat hulle die wêreld kan verander. Ek het hier jong wetenskaplikes, jong uitvinders en jong innoveerders gesien – Namibië is inderdaad in goeie hande,” sê sy.“Julle het wat dit verg om wetenskaplikes te wees.”Volgens Ipinge sal die wenners Namibië by die Eskom Ekspo vir Jong Wetenskaplikes in Suid-Afrika verteenwoordig.Volgens die NCRST het 121 leerlinge van agt streke in Namibië aan die uitstalling deelgeneem. Die ||Kharasstreek het by die prysuitdeling sy staal gewys deur die meeste wenners op te lewer. Joy Iinane van dié streek het die topprys in die primêre fase opgeraap, en Rihanna Poniso van Keetmanshoop in die sekondêre fase.Die Sekondêre Skool Keetmanshoop het met die louere weggestap as die beste hoërskool en Oranjemund Privaatskool as die beste primêre skool. – augetto@republikein.com.na

Jong wetenskaplikes stel vernuf ten toon

Kommentaar

Republikein 2025-04-03

Meld asseblief aan om kommentaar te lewer

Jong wetenskaplikes stel vernuf ten toon

Kommentaar

Republikein 2025-04-03

Meld asseblief aan om kommentaar te lewer

MELD AAN

Advertensie