Namibiese talent pronk op verhoog
Henriette Lamprecht
Ná twee jaar van noodgedwonge per video moes deelneem, kon talentvolle Namibiërs uiteindelik weer op die verhoog voor ’n gehoor hul talente ten toon stel tydens die jaarlikse Namibian Performance for the Arts (Natme)-kompetisie.
Oor ’n tydperk van twee dae het 86 deelnemers in van dans tot toneel voor vyf beoordelaars gewys waartoe hulle in staat is. Die medalje-oes was 200 goue, 101 silwer en 20 brons, terwyl daar ook algehele toekennings sowel as toekennings vir diegene wat vyf jaar aaneenlopend deelgeneem het.
Ná afloop van die kompetisie is ’n Namibiese span ook gekies wat die land in Suid-Afrika en ook in Los Angeles, Amerika, sal verteenwoordig. Die Suid-Afrikaanse kompetisie vind vanjaar plaas, terwyl die deelname in Los Angeles eers aanstaande jaar en gewoonlik in Julie plaasvind.
“Ons is erg trots op elke deelnemer,” sê me. Lomine Langley, Natme se direkteur.
“Ná twee jaar wat ons net video’s kon doen vir die Namibiese kampioenskap, kon ons dié jaar live gaan. Dit was so wonderlik vir almal en deelnemers kon en wou nie van die verhoog af gaan nie. Die gees was ook ongelooflik.”
Volgens Langley “wil ons graag drome waar maak vir deelnemers”.
“Ons is baie opgewonde vir die jaar wat voorlê. Namibië staan nie ’n tree vir enige ander land terug nie. Ons leuse is ook ‘winners are not people who never fail, but people who never quit’.”
Hayden Kitt is as die junior algehele wenner aangewys, terwyl Marelee Ferreira die senior toekenning ontvang het. Anri Brynard is beloon met die Triple Treat and Spirit-toekenning, terwyl die afrigterstoekenning aan Almare Louw gegaan het.
Die Namibiese span bestaan uit Anri Brynard, Hayden Kitt, Anya Kitt, Marelee Ferreira, Luca Coffee, Salukasie Akwaake, HMV, Jo-Ann Steyn, Mila Knight, Rayne Sandler, Jean-Jacques Coffee, Good Boys, Shawna Carew, Vanessa Venter, Nia van Dyk, Monjuanique Badenhorst, Annika Heckert, Therita Roodzant, Thielman Neethling, The Cuzzies, Corley Viljoen, Shanay Viljoen, Jacques Cronje, Eras Coetzee, Christofina Kabonda, Dynamic Due, Spirit of Dance, Magdalena Kotokeni, Alfeus, Significant 7, Shannon Peters, Snowflakes, Gimmie Dance Club Intermediate, Gimmie Dance Club Beginners, Nicolas Garrels, Level up, Kerry Ann en Jean Jacques, Lynette Sowden, Thomas en Danielle Muller.
– [email protected]
Ná twee jaar van noodgedwonge per video moes deelneem, kon talentvolle Namibiërs uiteindelik weer op die verhoog voor ’n gehoor hul talente ten toon stel tydens die jaarlikse Namibian Performance for the Arts (Natme)-kompetisie.
Oor ’n tydperk van twee dae het 86 deelnemers in van dans tot toneel voor vyf beoordelaars gewys waartoe hulle in staat is. Die medalje-oes was 200 goue, 101 silwer en 20 brons, terwyl daar ook algehele toekennings sowel as toekennings vir diegene wat vyf jaar aaneenlopend deelgeneem het.
Ná afloop van die kompetisie is ’n Namibiese span ook gekies wat die land in Suid-Afrika en ook in Los Angeles, Amerika, sal verteenwoordig. Die Suid-Afrikaanse kompetisie vind vanjaar plaas, terwyl die deelname in Los Angeles eers aanstaande jaar en gewoonlik in Julie plaasvind.
“Ons is erg trots op elke deelnemer,” sê me. Lomine Langley, Natme se direkteur.
“Ná twee jaar wat ons net video’s kon doen vir die Namibiese kampioenskap, kon ons dié jaar live gaan. Dit was so wonderlik vir almal en deelnemers kon en wou nie van die verhoog af gaan nie. Die gees was ook ongelooflik.”
Volgens Langley “wil ons graag drome waar maak vir deelnemers”.
“Ons is baie opgewonde vir die jaar wat voorlê. Namibië staan nie ’n tree vir enige ander land terug nie. Ons leuse is ook ‘winners are not people who never fail, but people who never quit’.”
Hayden Kitt is as die junior algehele wenner aangewys, terwyl Marelee Ferreira die senior toekenning ontvang het. Anri Brynard is beloon met die Triple Treat and Spirit-toekenning, terwyl die afrigterstoekenning aan Almare Louw gegaan het.
Die Namibiese span bestaan uit Anri Brynard, Hayden Kitt, Anya Kitt, Marelee Ferreira, Luca Coffee, Salukasie Akwaake, HMV, Jo-Ann Steyn, Mila Knight, Rayne Sandler, Jean-Jacques Coffee, Good Boys, Shawna Carew, Vanessa Venter, Nia van Dyk, Monjuanique Badenhorst, Annika Heckert, Therita Roodzant, Thielman Neethling, The Cuzzies, Corley Viljoen, Shanay Viljoen, Jacques Cronje, Eras Coetzee, Christofina Kabonda, Dynamic Due, Spirit of Dance, Magdalena Kotokeni, Alfeus, Significant 7, Shannon Peters, Snowflakes, Gimmie Dance Club Intermediate, Gimmie Dance Club Beginners, Nicolas Garrels, Level up, Kerry Ann en Jean Jacques, Lynette Sowden, Thomas en Danielle Muller.
– [email protected]
Kommentaar
Republikein
Geen kommentaar is op hierdie artikel gelaat nie