Nuwe Diamantraad bekendgestel

Mynbouminister Tom Alweendo het vanoggend die nuwe lede van die Diamantraad van Namibië bekendgestel. Die raad sal die ministerie adviseer oor beleidskwessies met betrekking tot die diamantbedryf. Die lede sluit in die onderminister van mynbou, Erastus Shivolo, wat as voorsitter optree, adjunkvoorsitter Maenge Kali, Isabella Chirchir as verteenwoordiger van die mynbouministerie, Festus Nghifenwa as verteenwoordiger van die finansiële ministerie, Barthlomeus de Klerk as verteenwoordiger van die Namibiese polisie, Brent Eiseb as uitvoerende hoof van die Namibiese Diamanthandelsmaatskappy, Desley Somseb as verteenwoordiger van die Mynwerkersunie van Namibië, Nekulilo Ithete as verteenwoordiger van diamantslyping, Pauline Thomas en Wollen Nell as verteenwoordigers van grootskaalse produsente, Benita Herma as verteenwoordiger van juweliersvervaardiging, en Emily Kapulwa as verteenwoordiger van kleinskaalse produsente. Alweendo het die raad aangemoedig om gereeld byeen te kom en tydige terugvoer aan die ministerie te verskaf.