Pas In: Indië buitelandse minister hier

Indië se minister van eksterne sake dr. Subrahmanyam Jaishankar is in Windhoek en het reeds vanoggend met adjunk eersteminister en minister van internasionale betrekkinge en samewerking me. Netumbo Nandi-Ndaitwah ontmoet. Hy besoek vandag ook die onafhanklikheidsmuseum en sal vanmiddag by president Hage Geingob gaan kuier. Vanaand sal Jaishankar eregas wees by die onthulding van die Namibiese Universiteit van Wetenskap en Tegnologie se nuwe inligting tegnologie sentrum van uitnemendheid. Nandi-Ndaitwah het vanoggend Indië se regering bedank vir hulp met vestiging van die sentrum, bedoel om bedryfsgeoriënteerde programme te ontwikkel en om navorsing te doen, om die tekort aan rekenaarvaardighede in kuber-veiligheid, grootdata-analise en e-bestuur aan te spreek.