Dag van die Afrika-kind: Fokus val op onderwys

Ter viering van die Internasionale Dag van die Afrika-kind, het president Nangolo Mbumba ’n verklaring uitgereik waarin hy daarop gewys het dat talle uitdagings steeds Namibië in die gesig staar.Die dag is vanjaar onder die tema “Onderwys vir alle kinders in Afrika: Die tyd is nou” gevier.“Talle Afrikalande, insluitend Namibië, staan steeds voor groot uitdagings in die onderwyssektor. “Dit sluit in ekonomiese struikelblokke, die gebrek aan infrastruktuur, geslagsongelykhede en kulturele praktyke is veelvlakkig en vereis dus ’n multibelanghebbende benadering om blywende oplossings te vind,” het hy gesê.Hy meen dat Namibië belegging in hierdie sektor moet prioritiseer en beleide moet implementeer wat doelgerigte ondersteuning aan gemarginaliseerde groepe, soos kinders met gestremdhede, bied.Hy het ook daarop gewys dat die implementering van gratis primêre en sekondêre onderwys ’n groot mylpaal vir die land was.“Ons verbintenis tot onderwys word weerspieël in begrotingstoewysings, met die onderwyssektor wat die grootste gedeelte ontvang,” het hy gesê.Dié dag van die Afrika-kind word elke jaar op 16 Junie gehou en herdenk die studente-opstand in 1976 in Soweto in Suid-Afrika.– republikein@republikein.com.na

Dag van die Afrika-kind: Fokus val op onderwys

Kommentaar

Republikein 2025-04-29

Meld asseblief aan om kommentaar te lewer

Dag van die Afrika-kind: Fokus val op onderwys

Kommentaar

Republikein 2025-04-29

Meld asseblief aan om kommentaar te lewer

MELD AAN

Advertensie