Nuwe Voortrekkerkommando in Namibië gestig
Die verhaal van die Voortrekkers wat in 1931 in Suid-Afrika en in 1932 in Namibië begin het, het pas met nog ’n bladsy in volume toegeneem.
Op 25 Februarie vanjaar het die Johanna Laubscher-kommando op Outjo amptelik tot stigting oorgegaan. Wat dié gebeurtenis meer betekenisvol maak, is die feit dat die kommando die naam oorgeneem het by ’n vorige era van die einste kommando wat in 1987 hul 50ste bestaan (1937-1987) gevier het. Die datum van ontbinding is egter onbekend.
Die “nuwe” Johanna Laubscher-kommando het in September 2021 begin om wankelende treetjies op die Voortrekker-pad te gee, en het sedertdien onder die beskerming van die Petrus van Wyk-kommando op Otjiwarongo gegroei. Die herstigting het tydens ’n kommandokamp by Oppi Klippe, ’n kampterrein in die Outjo-omgewing, plaasgevind.
Mathilde de Klerk, ’n verteenwoordiger van die Voortrekkers in Namibië, het die dag saam met die lede van die nuwe kommando deurgebring, om haar sodoende te vergewis van die lewensvatbaarheid daarvan.
Tydens die amptelike verrigtinge het die voornemende kommandoleier, Jessie van Rooyen, ’n paar ouers, grootouers en vriende van die Voortrekkers by die geleentheid verwelkom.
Wat die geleentheid volgens diegene wat teenwoordig was, verder spesiaal gemaak het, was dat een van die jeuglede van die “vorige” Johanna Laubscher-kommando, die 84-jarige tannie Bets van Zyl, ook teenwoordig was.
Daarna het die jeuglede van die jong kommando flink en netjies aangetree met ’n vlagstrykseremonie.
Agtergrond-inligting oor die grondslag, wese, kode en doelstellings van die Voortrekkers, asook die lidmaatskapvereistes, organisasie, werkswyse en gesagsveld van die Voortrekkers, is tydens die seremonie met teenwoordiges gedeel.
Die tien elemente van die Voortrekkerkode is deur tien jeuglede voorgedra – ’n seun en dogter elk onderskeidelik – vanaf graad een tot tien.
Tannie Bets het die gehoor toe vermaak met vertellings van hoe hulle destyds as jong kinders by Ombinda Lodge in buitengewone koue omstandighede klippe in waterslote moes pak, en ook hoe hulle ’n herdenkingstoer van die Dorslandtrek in 1953 meegemaak het.
Die Johanna Laubscher-Voortrekkerkommando is toe amptelik gestig, ofte wel herstig, deurdat Mathilde ’n brandende fakkel van die Namibiese Gebied aan die nuwe kommando oorhandig het. Dit is deur die jeugleiers by haar oorgeneem en aan Jessie oorhandig. Die vier jeugleiers was ook by die oorhandiging teenwoordig.
Daarna het ’n tweeledige klipstapeling plaasgevind op ’n klein fondament wat reeds gegiet is.
Eerstens ter herinnering aan die vorige Johanna Laubscher-kommando, en tweedens as herinneringsteken van die hernude stigting vir die huidige en toekomstige geslagte. Die klippe sal later as ’n klein monumentjie, met ‘n granietplaat met meer besonderhede daarop, vasgemessel word.
Die volgende persone doen tans diens as offisiere vir die kommando:
Marguerite Brink
Belinda Shepherd
Marike Boshoff
Heidi Visser
Jessie van Rooyen
Johanna Laubscher het ook ’n heemraadslid (’n naskoolse persoon van 18 jaar en ouer wat deur die jaarvergadering aangewys is om op die kommandobestuur te dien), naamlik Theuns (Bossie) Boshoff.
Hierdie offisiere het kort daarna as kommandobestuur vergader, terwyl die ouers na ’n uitstalling van literatuur en foto’s gaan kyk het en kolwyntjies – versier met die Voortrekkerwapen en kommandonaam – geniet het.
Op 25 Februarie vanjaar het die Johanna Laubscher-kommando op Outjo amptelik tot stigting oorgegaan. Wat dié gebeurtenis meer betekenisvol maak, is die feit dat die kommando die naam oorgeneem het by ’n vorige era van die einste kommando wat in 1987 hul 50ste bestaan (1937-1987) gevier het. Die datum van ontbinding is egter onbekend.
Die “nuwe” Johanna Laubscher-kommando het in September 2021 begin om wankelende treetjies op die Voortrekker-pad te gee, en het sedertdien onder die beskerming van die Petrus van Wyk-kommando op Otjiwarongo gegroei. Die herstigting het tydens ’n kommandokamp by Oppi Klippe, ’n kampterrein in die Outjo-omgewing, plaasgevind.
Mathilde de Klerk, ’n verteenwoordiger van die Voortrekkers in Namibië, het die dag saam met die lede van die nuwe kommando deurgebring, om haar sodoende te vergewis van die lewensvatbaarheid daarvan.
Tydens die amptelike verrigtinge het die voornemende kommandoleier, Jessie van Rooyen, ’n paar ouers, grootouers en vriende van die Voortrekkers by die geleentheid verwelkom.
Wat die geleentheid volgens diegene wat teenwoordig was, verder spesiaal gemaak het, was dat een van die jeuglede van die “vorige” Johanna Laubscher-kommando, die 84-jarige tannie Bets van Zyl, ook teenwoordig was.
Daarna het die jeuglede van die jong kommando flink en netjies aangetree met ’n vlagstrykseremonie.
Agtergrond-inligting oor die grondslag, wese, kode en doelstellings van die Voortrekkers, asook die lidmaatskapvereistes, organisasie, werkswyse en gesagsveld van die Voortrekkers, is tydens die seremonie met teenwoordiges gedeel.
Die tien elemente van die Voortrekkerkode is deur tien jeuglede voorgedra – ’n seun en dogter elk onderskeidelik – vanaf graad een tot tien.
Tannie Bets het die gehoor toe vermaak met vertellings van hoe hulle destyds as jong kinders by Ombinda Lodge in buitengewone koue omstandighede klippe in waterslote moes pak, en ook hoe hulle ’n herdenkingstoer van die Dorslandtrek in 1953 meegemaak het.
Die Johanna Laubscher-Voortrekkerkommando is toe amptelik gestig, ofte wel herstig, deurdat Mathilde ’n brandende fakkel van die Namibiese Gebied aan die nuwe kommando oorhandig het. Dit is deur die jeugleiers by haar oorgeneem en aan Jessie oorhandig. Die vier jeugleiers was ook by die oorhandiging teenwoordig.
Daarna het ’n tweeledige klipstapeling plaasgevind op ’n klein fondament wat reeds gegiet is.
Eerstens ter herinnering aan die vorige Johanna Laubscher-kommando, en tweedens as herinneringsteken van die hernude stigting vir die huidige en toekomstige geslagte. Die klippe sal later as ’n klein monumentjie, met ‘n granietplaat met meer besonderhede daarop, vasgemessel word.
Die volgende persone doen tans diens as offisiere vir die kommando:
Marguerite Brink
Belinda Shepherd
Marike Boshoff
Heidi Visser
Jessie van Rooyen
Johanna Laubscher het ook ’n heemraadslid (’n naskoolse persoon van 18 jaar en ouer wat deur die jaarvergadering aangewys is om op die kommandobestuur te dien), naamlik Theuns (Bossie) Boshoff.
Hierdie offisiere het kort daarna as kommandobestuur vergader, terwyl die ouers na ’n uitstalling van literatuur en foto’s gaan kyk het en kolwyntjies – versier met die Voortrekkerwapen en kommandonaam – geniet het.
Kommentaar
Republikein
Geen kommentaar is op hierdie artikel gelaat nie