SA-kunstenaars hou proteskonsert ter beskerming van Afrikaanse Taalmonument

Die Suid-Afrikaanse musikant Herman Kleinhans en die DA-party bied môre (28 Mei) ’n proteskonsert aan by Zomerlust Boutique Hotel in die Paarl ter beskerming van die Afrikaanse Taalmonument.Die mosie dat die Afrikaanse Taalmonument se naam verander moet word deur "Afrikaans" te verwyder en ’n R22-miljoen se vlag daar gehang moet word, het Afrikaanssprekendes van regoor die buurland ontstig. Kleinhans en die DA het besluit om hul stemme dik te maak deur ’n optog, gevolg deur ’n proteskonsert, te reël wat Saterdagoggend in die Paarl sal plaasvind.Ander kunstenaars wat aan die konsert gaan deelneem sluit in Gian Groen, Jan Blohm, Wouter van de Venter, Churchil Naudé, Bottomless Coffee Band, Tino Singe, Len Muller, en meer.Wys jou sTaal is ’n inisiatief wat ten doel het om nie net Afrikaans as ’n taal te beskerm nie, maar te laat floreer. “As ons Afrikaans ontken, ’n taal wat oor jare deur werkende mense van verskillende etniese groepe op lande en in fabrieke gevorm is, ontken ons die bereidwilligheid van toekomstige samewerking wat fataal sal wees vir die land se welstand. Dus is hierdie ’n saak na aan ons hart,” sê Kleinhans, die organiseerder van Wys jou sTaal.Die DA lei ’n optog wat om 08:00 by die Strooidakkerk afskop en eindig by die proteskonsert wat om 09:00 begin.Besoek dié sosiale media-skakels vir meer inligting:Facebook - https://www.facebook.com/hermankmusiekTwitter - @HermanMusiekInstagram - @hermankleinhansYouTube - https://www.youtube.com/channel/UCipCFcgkd31TNH_2fxlJ_dw

SA-kunstenaars hou proteskonsert ter beskerming van Afrikaanse Taalmonument

Kommentaar

Republikein 2025-07-09

Meld asseblief aan om kommentaar te lewer

SA-kunstenaars hou proteskonsert ter beskerming van Afrikaanse Taalmonument

Kommentaar

Republikein 2025-07-09

Meld asseblief aan om kommentaar te lewer

MELD AAN

Advertensie