Andriëtte kom kuier
Tree eerskomende Vrydag op
Nadat Andriëtte vir die afgelope 15 jaar by 'n Suid-Afrikaanse platemaatskappy geteken is, is sy nou 'n trotse, onafhanklike kunstenaar.
Die Suid-Afrikaanse sangeres Andriëtte Norman kuier in Windhoek, met ’n optrede Vrydagaand by die Gereformeerde Kerk Windhoek-Suid.
Nadat sy in 2007 as die naaswenner in die Idols Suid-Afrika-sangkompetisie gekroon is, het Andriëtte haar debuutalbum Diamant in 2008 bekend gestel. Kort daarna wen sy ’n Vonk-toekenning vir dié album in die kategorie Beste Kontemporêre Vroulike Album.
In 2009 het sy Dink Aan My uitgereik, gevolg deur Vat My Hoër in 2011.
Dié Kapenaar is in Brackenfell gebore en getoë. Sy het tuis op groot verhoë soos Huisgenoot Skouspel gevoel, en het treffers opgevoer wat spesiaal vir haar deur Steve Hofmeyr en Rudi Claase gekomponeer is. Sy is in 2014 met ’n Ghoema bekroon vir Wat Rym met Liefde as Beste Kontemporêre Vroulike Album.
Sy onthou: “Ek het wonderlike kinderjare gehad met goeie herinneringe van rugby en krieket saam met my broer. Die sanggogga het my in my laerskooljare gebyt toe die kooronderwyser vir my ’n mikrofoon gegee het en my gevra het om voor die koor te sing.”
Op daardie oomblik het sy geweet sy wil net sing.
Verskeie albums later is sy een van die gewildste Afrikaanse kunstenaars wat gereeld op die verhoë van groot feeste en geleenthede soos die Krone-konsert gesien en gehoor word.
“Natuurlik het ek my gunstelingliedjies,” erken sy. Steve se “Napoleon” en Rudi se “Sewe Oseane” styg bo die res uit.
Sy beskryf haarself as 'n persoon met ‘n goeie sin vir humor.
“Ek is mal daaroor om mense te kan laat lag, hoewel ek ook ernstig en diep kan wees. In die algemeen het ek altyd ’n glimlag op my gesig. Ek hou daarvan om met mense te praat,” sê sy.
In die uiters mededingende Afrikaanse musiekbedryf is sy veral dankbaar teenoor wyle Theuns Jordaan.
“Theuns het my direk ná Idols onder sy vlerk geneem en my genooi om saam met hom op te tree. Ek sal dit nooit vergeet nie.”
Andriëtte en Glynn Moolman is die afgelope paar jaar gelukkig getroud, en sy het drie seuns wat haar besig hou.
“Op die oomblik werk ek aan nuwe materiaal, maar ek werk ook aan myself. Werk aan 'n gesonder, gelukkiger ek!" verkondig sy.
Nadat sy vir die afgelope 15 jaar by ’n Suid-Afrikaanse platemaatskappy geteken is, is Andriette nou 'n trotse, onafhanklike kunstenaar in die Afrikaanse musiekbedryf.
Kaartjies vir Vrydag se vertoning kos N$200 vir volwassenes en N$100 vir kinders onder 12, wat ’n ligte ete insluit. Daar is nie kaartjies by die deure beskikbaar nie.
Skakel 081 435 9187 of 081 035 7058 vir kaartjies en meer inligting.
Nadat sy in 2007 as die naaswenner in die Idols Suid-Afrika-sangkompetisie gekroon is, het Andriëtte haar debuutalbum Diamant in 2008 bekend gestel. Kort daarna wen sy ’n Vonk-toekenning vir dié album in die kategorie Beste Kontemporêre Vroulike Album.
In 2009 het sy Dink Aan My uitgereik, gevolg deur Vat My Hoër in 2011.
Dié Kapenaar is in Brackenfell gebore en getoë. Sy het tuis op groot verhoë soos Huisgenoot Skouspel gevoel, en het treffers opgevoer wat spesiaal vir haar deur Steve Hofmeyr en Rudi Claase gekomponeer is. Sy is in 2014 met ’n Ghoema bekroon vir Wat Rym met Liefde as Beste Kontemporêre Vroulike Album.
Sy onthou: “Ek het wonderlike kinderjare gehad met goeie herinneringe van rugby en krieket saam met my broer. Die sanggogga het my in my laerskooljare gebyt toe die kooronderwyser vir my ’n mikrofoon gegee het en my gevra het om voor die koor te sing.”
Op daardie oomblik het sy geweet sy wil net sing.
Verskeie albums later is sy een van die gewildste Afrikaanse kunstenaars wat gereeld op die verhoë van groot feeste en geleenthede soos die Krone-konsert gesien en gehoor word.
“Natuurlik het ek my gunstelingliedjies,” erken sy. Steve se “Napoleon” en Rudi se “Sewe Oseane” styg bo die res uit.
Sy beskryf haarself as 'n persoon met ‘n goeie sin vir humor.
“Ek is mal daaroor om mense te kan laat lag, hoewel ek ook ernstig en diep kan wees. In die algemeen het ek altyd ’n glimlag op my gesig. Ek hou daarvan om met mense te praat,” sê sy.
In die uiters mededingende Afrikaanse musiekbedryf is sy veral dankbaar teenoor wyle Theuns Jordaan.
“Theuns het my direk ná Idols onder sy vlerk geneem en my genooi om saam met hom op te tree. Ek sal dit nooit vergeet nie.”
Andriëtte en Glynn Moolman is die afgelope paar jaar gelukkig getroud, en sy het drie seuns wat haar besig hou.
“Op die oomblik werk ek aan nuwe materiaal, maar ek werk ook aan myself. Werk aan 'n gesonder, gelukkiger ek!" verkondig sy.
Nadat sy vir die afgelope 15 jaar by ’n Suid-Afrikaanse platemaatskappy geteken is, is Andriette nou 'n trotse, onafhanklike kunstenaar in die Afrikaanse musiekbedryf.
Kaartjies vir Vrydag se vertoning kos N$200 vir volwassenes en N$100 vir kinders onder 12, wat ’n ligte ete insluit. Daar is nie kaartjies by die deure beskikbaar nie.
Skakel 081 435 9187 of 081 035 7058 vir kaartjies en meer inligting.
Kommentaar
Republikein
Geen kommentaar is op hierdie artikel gelaat nie