Jóú hekelkuns kan deel vorm van Project Room-uitstalling

Sluit eerskomende Saterdag om 11:00 by die Project Room-galery aan vir ‘n hekelklas met die kunstenaar van die uitstalling Bukalo Stories.

Die muurbehangsels wat Lynette Musukubili uit plastiek skep, het vorm gekry toe sy die tegnieke wat deur die ma's en oumas in haar dorpie aan haar oorgedra is, begin gebruik het.

Die hekelkuns wat in Saterdag se slypskool geskep word, sal gebruik word om 'n gesamentlike installasie te skep wat deel van die Bukalo Stories-uitstalling vorm.

Registreer vir die sessie deur 'n e-pos na [email protected] te stuur.