Keyser stal by NAGN uit

Die kunstenaar Duif Keyser se The Odd Ones-uitstalling open volgende Donderdag om 18:00 by die Nasionale Kunsgalery.

Keyser is in 1985 in Swakopmund gebore, waar hy steeds woon en werk. Hy is ’n medestigter van die Crazy Sculpture Clinic Art Foundry en maak voltyds ’n bestaan as kunstenaar en beeldhouer. Hy het ’n graad in beeldende kuns met ’n onderskeiding in beelhouwerk.