Kollig-kalendar

STEEDS AAN DIE GANG:

• Fleeting Moments, ’n uitstalling deur Suid-Afrika se Lieze Meyer kan tot 16 Februarie by die Fine Art Gallery op Swakopmund besigtig word.

• Die Frans-Namibiese Kultuursentrum bied ’n aanlyn Franse-rolprentfees tot 19 Februarie aan. Meer inligting is by MyFrenchFilmFestival.com beskikbaar.

VRYDAG 9 FEBRUARIE

• Amoji – ’n uitstalling deur Toufic Beyhum – open om 18:00 by The Project Room en kan tot 9 Maart besigtig word.

• SA komediant Kevin Fraser is by die Nasionale Teater te sien om 19:00 met “Africa is a Feeling”. Kaartjies kan by kevinfraserofficial.com bespreek word.

SATERDAG 10 FEBRUARIE

• Die Botaniese Vereniging onder leiding van Barb Curtis bied vanaf 08:00 tot 10:45 ’n begeleide staptog deur Windhoek se botaniese tuine aan. Vir meer inligting kontak 081 248 7362 of 081 222 8686.

• Geraas Oppi Plaas bied Year of the Dragon by The Wolfshack in Windhoek om 11:00 aan, saam met platejoggies en ander gaste. Kaartjies kos N$120 en kan by The Wolfshack en The Biltong Shop Maerua Mall gekoop word.

• Ladies Night om 18:00 ter ondersteuning van Huis Maerua by die Arebbusch Travel Lodge, aangebied deur Natasha van der Merwe (Susan in Suidooster). Kaartjies kos N$400 en is beskikbaar by webtickets.com.na.

WOENSDAG 14 FEBRUARIE

• Ramos Realtors bied ’n bloedskenkveldtog om 10:00 by sy kantoor in Walvisbaai tot 15:00 aan, met baie pryse en koopbewyse wat gewen kan word.