Kultuur die 'hartklop' van 'n nasie
Olufuko bevorder kuisheid, sê Nujoma
Tydens vanjaar se Olufuko-fees het 85 meisies aan die inisiasieproses deelgeneem.
Die voormalige staatshoof Sam Nujoma sê die Olufuko Kulturele Fees bevorder kuisheid totdat 'n vrou in die huwelik tree en leer jong meisie wat deur die inisiasieproses gaan om "hul liggame te respekteer".
Nujoma het die opmerkings gemaak in 'n toespraak op Outapi in die Omusatistreek wat namens hom tydens die amptelike opening van die 10e uitgawe van die fees deur die adjunkminister van inligting en kommunikasietegnologie Modestus Amutse voorgelees is.
Nujoma sê die fees is 'n ou tradisie waartydens vroue jong meisies, wat maagde moet wees om te kan deelneem, touwys maak oor hoe hulle as volwassenes moet optree.
"Vandag het dit 'n geleentheid geword om skoolmeisies meer oor hul kultuur te leer. Niemand gaan ons eie kultuur bevorder en in stand hou buiten onsself nie. Die fees is 'n smeltkroes van uiteenlopende kulture, tale en gebruike," het Nujoma gesê.
Volgens hom wys die vieringe wat onder die tema Ons kultuur, Ons trots, Ons erfenis plaasgevind het, die groei en bestendigheid van Olufuko sedert die ontstaan daarvan.
"Hierdie jaarlikse geleentheid verpersoonlik die kern van tradisie en dien as 'n bewys van die nalatenskap wat van een generasie na die volgende oorgedra is," het die voormalige president gesê.
"Dit verskaf my geweldige plesier om 'n goeie aantal meisies saam met hul ouers sowel as baie mense uit verskillende dele van die land te sien wat gekom het om deel hiervan te wees."
Die minister van hoër onderwys, opleiding en vernuwing, dr. Itah Kandjii-Murangi, wat die amptelike verrigtinge gelei het, het op haar beurt gesê die fees vier die belangrikheid van die deurslaggewende rol wat kulturele erfenis in mense se lewens speel.
Dit laat volgens Kandjii-Murangi mense toe om die opvoedkundige rol te erken wat kultuur het in die lê van die fondasie van mense as sosiale wesens - in hul huise, in gemeenskappe en in die gemeenskap as geheel.
"Soos ons vier en bevestig wie ons in hierdie ryk tapeserie van die Namibiese kultuurerfenis is, word ons ook herinner aan die belangrikheid en die behoefte vir die bewaring daarvan vir al die generasies wat ons gaan volg," het sy gesê.
Kandji-Murangi het bygevoeg dat kultuur nie net 'n versameling van tradisies en praktyke is nie, maar dat dit ook die "hartklop van die nasie en die kern is van wie Namibiërs is as mense".
"Ons tradisies is nie net blote oorblyfsels van die verlede nie, maar lewende uitdrukkings wat voortgaan om ons hede, maar ook ons toekoms te rig. Hierdie is die bande wat ons as nasies verenig," het Kandjii-Murangi beklemtoon.
Tydens vanjaar se Olufuko-fees het 85 meisies aan die inisiasieproses deelgeneem. - [email protected]
Nujoma het die opmerkings gemaak in 'n toespraak op Outapi in die Omusatistreek wat namens hom tydens die amptelike opening van die 10e uitgawe van die fees deur die adjunkminister van inligting en kommunikasietegnologie Modestus Amutse voorgelees is.
Nujoma sê die fees is 'n ou tradisie waartydens vroue jong meisies, wat maagde moet wees om te kan deelneem, touwys maak oor hoe hulle as volwassenes moet optree.
"Vandag het dit 'n geleentheid geword om skoolmeisies meer oor hul kultuur te leer. Niemand gaan ons eie kultuur bevorder en in stand hou buiten onsself nie. Die fees is 'n smeltkroes van uiteenlopende kulture, tale en gebruike," het Nujoma gesê.
Volgens hom wys die vieringe wat onder die tema Ons kultuur, Ons trots, Ons erfenis plaasgevind het, die groei en bestendigheid van Olufuko sedert die ontstaan daarvan.
"Hierdie jaarlikse geleentheid verpersoonlik die kern van tradisie en dien as 'n bewys van die nalatenskap wat van een generasie na die volgende oorgedra is," het die voormalige president gesê.
"Dit verskaf my geweldige plesier om 'n goeie aantal meisies saam met hul ouers sowel as baie mense uit verskillende dele van die land te sien wat gekom het om deel hiervan te wees."
Die minister van hoër onderwys, opleiding en vernuwing, dr. Itah Kandjii-Murangi, wat die amptelike verrigtinge gelei het, het op haar beurt gesê die fees vier die belangrikheid van die deurslaggewende rol wat kulturele erfenis in mense se lewens speel.
Dit laat volgens Kandjii-Murangi mense toe om die opvoedkundige rol te erken wat kultuur het in die lê van die fondasie van mense as sosiale wesens - in hul huise, in gemeenskappe en in die gemeenskap as geheel.
"Soos ons vier en bevestig wie ons in hierdie ryk tapeserie van die Namibiese kultuurerfenis is, word ons ook herinner aan die belangrikheid en die behoefte vir die bewaring daarvan vir al die generasies wat ons gaan volg," het sy gesê.
Kandji-Murangi het bygevoeg dat kultuur nie net 'n versameling van tradisies en praktyke is nie, maar dat dit ook die "hartklop van die nasie en die kern is van wie Namibiërs is as mense".
"Ons tradisies is nie net blote oorblyfsels van die verlede nie, maar lewende uitdrukkings wat voortgaan om ons hede, maar ook ons toekoms te rig. Hierdie is die bande wat ons as nasies verenig," het Kandjii-Murangi beklemtoon.
Tydens vanjaar se Olufuko-fees het 85 meisies aan die inisiasieproses deelgeneem. - [email protected]
Kommentaar
Republikein
Geen kommentaar is op hierdie artikel gelaat nie