'Kultuur van kuns moet skuif'
"Hoekom het jy ’n kreatiewe bedryf en kreatiewe kunstenaars, maar die deur is vir hulle toe?"
So vra Papa Shikongeni, ’n lektor in die kunste by die College of the Arts (Cota), in die aanloop tot die New Beginnings-uitstalling wat Donderdag by die Nasionale Kunsgalery begin. Die uitstalling word jaarliks deur Cota-alumni aangebied.
"Studente wat in 2008 gegradueer het, het gedink dit sal goed wees as hulle ’n New Beginning-uitstalling kan hê. Die nuwe begin help hulle om te sien wat was die impak van dit wat hulle by die College of the Arts gekry het. Hierdie uitstalling is ook om die gees en die netwerk van studente van COTA weer terug te bring, want met tegnologie is ons so verdeeld. Ons dink omdat ek jou WhatsApp, is ons in verbinding met mekaar, maar ons moet versigtig wees om nie die gevoel van menslikheid te verloor nie," sê Papa Shikongeni.
"Die belangrikste is hoe ons moet sien hoe ons die bemarking van die visuele kunste benader en die kunste- en kreatiewe bedryf en hoe hulle hul nuwe tegnieke ontwikkel het," sê hy. Papa Shikongeni meen dat die toepassing van die kunste in die samelewing verbreed moet word en dat die bekrompe idee van die kunste moet verander.
"Ons geboue word deur argitekte ontwerp - hulle is kunstenaars. Ons selfone en rekenaars - ’n kunstenaar het dit ontwerp. Die modeontwerpers wat ons klere ontwerp is kunstenaars," sê hy.
Hy meen wanneer ons denke oor kuns verskuif, sal ’n kultuurskuif volg. "Waarmee word ons geboue mooigemaak? Hoekom begin ons nie daardie kultuur nie - ons het kunstenaars, en hulle het die gawe?"
Die New Beginnings-uitstalling is volgens hom nie net ’n byeenkoms van Cota-alumni nie, maar ’n geleentheid vir samesyn.
"Dit is baie opwindend, maar hoofsaaklik is dit ’n goeie geleentheid om te sien of ons kunstenaars skep. Wanneer jy op skool is, is daar ’n meer teoretiese en intellektuele benadering tot kuns, so mens is soms ook bang dat hulle net lektore of kurators gaan word. Dit is een ding wat mens ook moet besef - van hulle gaan kurators word, van hulle gaan kunstenaars word en van hulle doen dit net as ’n stokperdjie terwyl ander werklik ’n gawe het," sê hy.
Papa Shikongeni glo dat die verskeie afdelings van kuns, onder meer die skepping van bemarkingsmateriale en grafiese ontwerp, moet hande vat en saamwerk vir die sukses van die kunsbedryf.
"Hulle het gegradueer, so die volgende ding vir my is die volhoubaarheid. Ons moet kyk hoe ons as korporatiewe maatskappye betrokke raak by dit as ’n eenheid. Hoe ontwikkel ons hierdie bedryf? Dit het ’n individuele groei geword waar ons net kyk na kunstenaars, maar die kunstenaars is die skeppers. Iemand moet dan daarna kyk, al probeer hulle dit afdwing dat kunstenaars moet bemarking doen en entrepreneurs moet wees. Jy neem iemand uit sy gemaksone, net sodat hy vir die mark se plesier kan verskyn, maar daar is dié wat werklik ’n gawe het vir [bemarking], maar hulle doen nie dit nie," sê hy. - [email protected]
So vra Papa Shikongeni, ’n lektor in die kunste by die College of the Arts (Cota), in die aanloop tot die New Beginnings-uitstalling wat Donderdag by die Nasionale Kunsgalery begin. Die uitstalling word jaarliks deur Cota-alumni aangebied.
"Studente wat in 2008 gegradueer het, het gedink dit sal goed wees as hulle ’n New Beginning-uitstalling kan hê. Die nuwe begin help hulle om te sien wat was die impak van dit wat hulle by die College of the Arts gekry het. Hierdie uitstalling is ook om die gees en die netwerk van studente van COTA weer terug te bring, want met tegnologie is ons so verdeeld. Ons dink omdat ek jou WhatsApp, is ons in verbinding met mekaar, maar ons moet versigtig wees om nie die gevoel van menslikheid te verloor nie," sê Papa Shikongeni.
"Die belangrikste is hoe ons moet sien hoe ons die bemarking van die visuele kunste benader en die kunste- en kreatiewe bedryf en hoe hulle hul nuwe tegnieke ontwikkel het," sê hy. Papa Shikongeni meen dat die toepassing van die kunste in die samelewing verbreed moet word en dat die bekrompe idee van die kunste moet verander.
"Ons geboue word deur argitekte ontwerp - hulle is kunstenaars. Ons selfone en rekenaars - ’n kunstenaar het dit ontwerp. Die modeontwerpers wat ons klere ontwerp is kunstenaars," sê hy.
Hy meen wanneer ons denke oor kuns verskuif, sal ’n kultuurskuif volg. "Waarmee word ons geboue mooigemaak? Hoekom begin ons nie daardie kultuur nie - ons het kunstenaars, en hulle het die gawe?"
Die New Beginnings-uitstalling is volgens hom nie net ’n byeenkoms van Cota-alumni nie, maar ’n geleentheid vir samesyn.
"Dit is baie opwindend, maar hoofsaaklik is dit ’n goeie geleentheid om te sien of ons kunstenaars skep. Wanneer jy op skool is, is daar ’n meer teoretiese en intellektuele benadering tot kuns, so mens is soms ook bang dat hulle net lektore of kurators gaan word. Dit is een ding wat mens ook moet besef - van hulle gaan kurators word, van hulle gaan kunstenaars word en van hulle doen dit net as ’n stokperdjie terwyl ander werklik ’n gawe het," sê hy.
Papa Shikongeni glo dat die verskeie afdelings van kuns, onder meer die skepping van bemarkingsmateriale en grafiese ontwerp, moet hande vat en saamwerk vir die sukses van die kunsbedryf.
"Hulle het gegradueer, so die volgende ding vir my is die volhoubaarheid. Ons moet kyk hoe ons as korporatiewe maatskappye betrokke raak by dit as ’n eenheid. Hoe ontwikkel ons hierdie bedryf? Dit het ’n individuele groei geword waar ons net kyk na kunstenaars, maar die kunstenaars is die skeppers. Iemand moet dan daarna kyk, al probeer hulle dit afdwing dat kunstenaars moet bemarking doen en entrepreneurs moet wees. Jy neem iemand uit sy gemaksone, net sodat hy vir die mark se plesier kan verskyn, maar daar is dié wat werklik ’n gawe het vir [bemarking], maar hulle doen nie dit nie," sê hy. - [email protected]
Kommentaar
Republikein
Geen kommentaar is op hierdie artikel gelaat nie