My Nakedness wil inspireer

Verslaggewer, filmmaker en skrywer Selima Henock se aangrypende memoir neem die leser op ‘n reis deur loopbaanuitdagings, huwelik, afknouery en selfmoordgedagtes. My Nakedness se openhartige vertelling wys Selima se veerkragtigheid en het ten doel om Namibiërs te inspireer en ook die landskap van Namibiese letterkunde te verryk. Dit beklemtoon weerloosheid en egtheid en moedig lesers aan om hul eie waarheid te omarm en hul stories te deel.

My Nakedness is gisteraand amptelik tydens ‘n spesiale geleentheid bekendgestel. As jy dié boek op jou boekrak wil hê, kontak Selima by 081 144 0704.