’n Hoogtepunt op jong musikante se kalender
Drie Namibiese musikante – Juliette Nel (tjello), Samuel Nel (klavier) en Xin Yu Chen (klavier) – is gekies om aan die 35ste jaarlikse Hubert van der Spuy-musiekkompetisie deel te neem wat in September in Stellenbosch in Suid-Afrika plaasvind.
Die kompetisie het een van die hoogtepunte op die musiekkalender vir jong musikante geword. Vir die 35ste herdenking tree ’n nuwe samewerkingsooreenkoms met die musiekdepartement van die Universiteit Stellenbosch (US) in werking.
Prof. Mario Nell, dié musiekdepartement se voorsitter, sê: “Die musiekdepartement van die Universiteit Stellenbosch is die oudste instelling van sy soort in Suid-Afrika en spog met ’n trotse tradisie, wat oor meer as ’n eeu strek, van toewyding aan musiekonderrig, die uitvoerende kunste, kreatiewe werk en akademiese navorsing.
“Die verbintenis van die Hubert van der Spuy Nasionale Musiekkompetisie om ons land se generasie van uitstaande jong klassieke musikante te identifiseer, te ontwikkel en blootstelling te gee, is in pas met die musiekdepartement se verbintenis om uit te reik na diegene van skoolgaande ouderdom, en om talente te koester.”
Die kompetisie word gereël en aangebied deur die Tygerberg-tak van die Suid-Afrikaanse Vereniging van Musiekonderwysers (Savmo).
Die eerste kompetisie het in 1989 plaasgevind. Prof. Hubert van der Spuy – die voormalige voorsitter van die Savmo (Tygerberg-tak) en gerespekteerde musikant, het die kompetisie geïnspireer.
Die kompetisie bied ’n unieke geleentheid vir kinders van 13 jaar en jonger om teen hul eweknieë mee te ding. Verskeie vorige wenners van die kompetisie het nie net musiek op tersiêre vlak studeer nie, maar het ook op hul beurt internasionaal gevierde talente geword.
Die streng program wat van deelnemers vereis word, verseker dat ’n hoë standaard gehandhaaf word, terwyl dit aan hulle ’n platform bied om ervaring op te doen.
Juliette, Samuel en Xin sal teen 46 ander musikante meeding.
Die kompetisie het een van die hoogtepunte op die musiekkalender vir jong musikante geword. Vir die 35ste herdenking tree ’n nuwe samewerkingsooreenkoms met die musiekdepartement van die Universiteit Stellenbosch (US) in werking.
Prof. Mario Nell, dié musiekdepartement se voorsitter, sê: “Die musiekdepartement van die Universiteit Stellenbosch is die oudste instelling van sy soort in Suid-Afrika en spog met ’n trotse tradisie, wat oor meer as ’n eeu strek, van toewyding aan musiekonderrig, die uitvoerende kunste, kreatiewe werk en akademiese navorsing.
“Die verbintenis van die Hubert van der Spuy Nasionale Musiekkompetisie om ons land se generasie van uitstaande jong klassieke musikante te identifiseer, te ontwikkel en blootstelling te gee, is in pas met die musiekdepartement se verbintenis om uit te reik na diegene van skoolgaande ouderdom, en om talente te koester.”
Die kompetisie word gereël en aangebied deur die Tygerberg-tak van die Suid-Afrikaanse Vereniging van Musiekonderwysers (Savmo).
Die eerste kompetisie het in 1989 plaasgevind. Prof. Hubert van der Spuy – die voormalige voorsitter van die Savmo (Tygerberg-tak) en gerespekteerde musikant, het die kompetisie geïnspireer.
Die kompetisie bied ’n unieke geleentheid vir kinders van 13 jaar en jonger om teen hul eweknieë mee te ding. Verskeie vorige wenners van die kompetisie het nie net musiek op tersiêre vlak studeer nie, maar het ook op hul beurt internasionaal gevierde talente geword.
Die streng program wat van deelnemers vereis word, verseker dat ’n hoë standaard gehandhaaf word, terwyl dit aan hulle ’n platform bied om ervaring op te doen.
Juliette, Samuel en Xin sal teen 46 ander musikante meeding.
Kommentaar
Republikein
Geen kommentaar is op hierdie artikel gelaat nie