NTV-toekennings: Aand van glans

Vanjaar se NTV-toekennings vind op 12 Februarie by die Nasionale Teater van Namibië (NTN) plaas.Die kreatiewe direkteur van die toekennings, Ashwyn Mberi, het dié aankondiging gemaak oor die geleentheid wat die kreatiwiteit, toewyding en impak van NTV-televisiepersoonlikhede op plaaslike en internasionale skerms vereer. “Hierdie viering erken die harde werk van ons bedryf se talent en die kragtige verbintenis wat hul programme met gehore het,” het Mberi gesê. Die keuringsproses het programme met die meeste betrokkenheid, sienings en reikwydte in die kollig geplaas, wat ’n verteenwoordigende vertoonvenster van talent verseker het.Vanjaar is die tweede aflewering en daar is hierdie jaar twee kategorieë waar die publiek hul stemme kan uitbring – Kykers se Keuse vir Aanbieder van die Jaar en TJIL se Persoonlikheid van die Jaar.Om vir dié kategorieë te stem, sal uitsluitlik via die Synergi-kletsbot gedoen kan word. Wenners in ander kategorieë sal deur ’n paneel van eksterne beoordelaars gekies word.Genomineerders vir die Program van die Jaar-toekenning sluit in Evening Review, Uitspeel en On The Rocks.Individue wat sal meeding vir die Kykers se Keuse vir Aanbieder van die Jaar, is Toivo Ndjebela, Aina Kweyo, Brian Munango, Diana Master en Jo-Mare Duddy.Leefstyl- en sportprogramme oorheers ook die lys met talente soos DJ Vuyo, Me Gideon, Jericho, Kaptein Tswazi en P-Star wat vir TJIL se Persoonlikheid van die Jaar sal meeding.Die aand beloof om uitnemendheid te vier. Die volledige lys van genomineerdes is op NTV se sosialemediaplatforms beskikbaar.– republikein@republikein.com.na

NTV-toekennings: Aand van glans

Kommentaar

Republikein 2025-04-29

Meld asseblief aan om kommentaar te lewer

NTV-toekennings: Aand van glans

Kommentaar

Republikein 2025-04-29

Meld asseblief aan om kommentaar te lewer

MELD AAN

Advertensie