PAS IN: Toets jou hip-hop-kennis

Aanhangers van hip-hop-musiek kan solank regskuif vir nog ’n rondte van The Wolfshack se opwindende vasvra-aand wat môre (6 September) aangebied word. Die volgende trivia-aand is jou kans om met jou kennis oor dié musiekgenre te spog. Besprekings is noodsaaklik vir spanne van drie tot ses individue per span. Die aksie begin om 18:30 vir 19:00. Besprekings kan via WhatsApp by 081 423 4243 gedoen word. Daar is pryse vir die besgeklede deelnemers op die spel. Tucks and Tiaras bied elke Woensdagaand 'n vasvra-aand by The Wolfshack aan.