Pret vir die hele gesin

Die jaarlikse Activity Hub op Swakopmund is terug vir ’n derde jaar. Dié buitelugaktiwiteitsentrum, wat langs die tennisbane geleë is, het vanjaar selfs meer aktiwiteite as vorige jare. Volgens die organiseerder, Dave Hammond, is die gewildste aktiwiteit die rolskaatsbaan met kinders en volwassenes wat dit geniet. “As jy nie jou eie rolskaats het nie, moet nie vrees nie. Rolskaats kan gehuur word om seker te maak dat niemand die pret misloop nie,” het Hammond gesê. Wat vanjaar nuut is, is ’n hindernis- en mini-gholfbaan. Die meganiese bul is ook aan die gang en lok die dapperste deelnemers om te sien wie die langste daarop kan bly.