Biomassa: Meer as miljard ton kan geoes word
Ellanie Smit - Terwyl bosindringing ’n omgewingsuitdaging is, skep dit ook talle geleenthede vir welvaart en werkskepping. Oor altesaam 45 miljoen hektaar in Namibië waar bosindringing voorkom, kan ’n massiewe 1,5 miljard ton biomassa gegenereer word waarvan 30% volhoubaar geoes kan word. Tot op hede word byna 12 miljoen bosbiomassa jaarliks geoes – wat tot duisende werksgeleenthede vir die jeug kan lei.
Dit volgens ’n toespraak van die minister van die omgewing, bosbou en toerisme, Pohamba Shifeta, wat tydens die Standard Bank Biomass Fair 2023 op Gross Barmen voorgelees is. Vanjaar se tema was “Igniting the Growth of the Biomass Sector in Namibia” en het gefokus op groeigeleenthede vir die bedryf in die land.
Volgens Shifeta is die tema gepas omdat dit die reuse-geleenthede vir ekonomiese groei in die bedryf uitlig.
“Die biomassabedryf het die afgelope tien jaar met rasse skrede gegroei, grotendeels danksy die samewerking tussen Namibië en Duitsland met die noemenswaardige belegging in die sektor deur die GIZ-projek vir bosbeheer en –gebruik (BCBU),” het hy gesê.
Met die laaste fase van die BCBU-projek wat einde Maart aanstaande jaar tot ’n einde loop, was Shifeta vol lof vir die vennootskap met Duitsland vir die bevordering van maatskaplike- en ekonomiese ontwikkeling in beide lande.
“Dit is nou noodsaaklik dat ons Namibiese instellings voortgaan om die goeie werk verder as die duur van die bilaterale projek voort te sit.”
Hy het ook verwys na die Namibië Biomassa-nywerheidsgroep (N-BiG) en die Houtskoolvereniging van Namibië (CAoN) wat die afgelope paar jaar in so ’n mate gegroei het dat hulle die bedryf professioneel kan verteenwoordig en ook ’n baie positiewe verhouding met die ministerie kan handhaaf.
Volgens Shifeta se toespraak is dit ’n vennootskap wat hulle verder wil inspan tot voordeel van Namibië se landelike inwoners soos die volhoubare gebruik van biomassa voorts groei.
“As ons goed na hierdie hulpbron kyk, is ons verseker dat dit nog lank met ons sal wees. Die ministerie het egter met kommer gemerk dat sommige mense in die biomassabedryf onvolhoubare metodes vir bosbeheer gebruik. Ek vra julle om weg te bly van hierdie praktyke. Dié wat dit doen, beskadig dié florerende bedryf.”
Shifeta sê die regering wil saam met die bedryf werk om te verseker hulpbronne vir bosbiomassa word op ’n verantwoordelike manier ontgin om beide die herstel van weiding sowel as die beskerming van die omgewing te verseker.
Die minister sê die regering is deeglik bewus daarvan dat sommige dele van die Namibiese samelewing nie ten volle deelneem aan sommige dele van die boswaardeketting soos houtskoolproduksie nie.’n Studie in dié verband gaan nou ’n bestuursraamwerk vir kommunale gebiede ontwikkel wat die bosboudirektoraat sal lei in die uitreiking van oespermitte in dié gebiede. Die bevindings van die studie word op 21 September in Windhoek openbaar gemaak, met die ministerie wat voorstelle sal implementeer.
Shifeta sê die ministerie is ook bewus van die voortgesette uitdagings wat rolspelers in die biomassabedryf ervaar. Dit sluit in die vertragings in plaasinspeksies, die uitreiking van permitte, asook bepalings van die wet op omgewingsbestuur (EMA) waaraan nie voldoen word nie.
“Om dié uitdagings te takel, is die ministerie besig om sy prosedures te hervorm en werk hy tans aan ’n aantal voorstelle. Dit sluit in die bekendstelling van die bos- en omgewingsbestuursplan vir plase.”
Laasgenoemde het ten doel om omvattende data van ’n gegewe grondeenheid, beskikbare toelaatbare hoeveelhede biomassa, huidige biomassagebruike en sowel as omgewingsparameters vas te lê, en sal daarop uitloop dat die aansoeker ’n omgewingsklaringsertifikaat (ECC) en ’n oespermit sal ontvang.
– [email protected]
Dit volgens ’n toespraak van die minister van die omgewing, bosbou en toerisme, Pohamba Shifeta, wat tydens die Standard Bank Biomass Fair 2023 op Gross Barmen voorgelees is. Vanjaar se tema was “Igniting the Growth of the Biomass Sector in Namibia” en het gefokus op groeigeleenthede vir die bedryf in die land.
Volgens Shifeta is die tema gepas omdat dit die reuse-geleenthede vir ekonomiese groei in die bedryf uitlig.
“Die biomassabedryf het die afgelope tien jaar met rasse skrede gegroei, grotendeels danksy die samewerking tussen Namibië en Duitsland met die noemenswaardige belegging in die sektor deur die GIZ-projek vir bosbeheer en –gebruik (BCBU),” het hy gesê.
Met die laaste fase van die BCBU-projek wat einde Maart aanstaande jaar tot ’n einde loop, was Shifeta vol lof vir die vennootskap met Duitsland vir die bevordering van maatskaplike- en ekonomiese ontwikkeling in beide lande.
“Dit is nou noodsaaklik dat ons Namibiese instellings voortgaan om die goeie werk verder as die duur van die bilaterale projek voort te sit.”
Hy het ook verwys na die Namibië Biomassa-nywerheidsgroep (N-BiG) en die Houtskoolvereniging van Namibië (CAoN) wat die afgelope paar jaar in so ’n mate gegroei het dat hulle die bedryf professioneel kan verteenwoordig en ook ’n baie positiewe verhouding met die ministerie kan handhaaf.
Volgens Shifeta se toespraak is dit ’n vennootskap wat hulle verder wil inspan tot voordeel van Namibië se landelike inwoners soos die volhoubare gebruik van biomassa voorts groei.
“As ons goed na hierdie hulpbron kyk, is ons verseker dat dit nog lank met ons sal wees. Die ministerie het egter met kommer gemerk dat sommige mense in die biomassabedryf onvolhoubare metodes vir bosbeheer gebruik. Ek vra julle om weg te bly van hierdie praktyke. Dié wat dit doen, beskadig dié florerende bedryf.”
Shifeta sê die regering wil saam met die bedryf werk om te verseker hulpbronne vir bosbiomassa word op ’n verantwoordelike manier ontgin om beide die herstel van weiding sowel as die beskerming van die omgewing te verseker.
Die minister sê die regering is deeglik bewus daarvan dat sommige dele van die Namibiese samelewing nie ten volle deelneem aan sommige dele van die boswaardeketting soos houtskoolproduksie nie.’n Studie in dié verband gaan nou ’n bestuursraamwerk vir kommunale gebiede ontwikkel wat die bosboudirektoraat sal lei in die uitreiking van oespermitte in dié gebiede. Die bevindings van die studie word op 21 September in Windhoek openbaar gemaak, met die ministerie wat voorstelle sal implementeer.
Shifeta sê die ministerie is ook bewus van die voortgesette uitdagings wat rolspelers in die biomassabedryf ervaar. Dit sluit in die vertragings in plaasinspeksies, die uitreiking van permitte, asook bepalings van die wet op omgewingsbestuur (EMA) waaraan nie voldoen word nie.
“Om dié uitdagings te takel, is die ministerie besig om sy prosedures te hervorm en werk hy tans aan ’n aantal voorstelle. Dit sluit in die bekendstelling van die bos- en omgewingsbestuursplan vir plase.”
Laasgenoemde het ten doel om omvattende data van ’n gegewe grondeenheid, beskikbare toelaatbare hoeveelhede biomassa, huidige biomassagebruike en sowel as omgewingsparameters vas te lê, en sal daarop uitloop dat die aansoeker ’n omgewingsklaringsertifikaat (ECC) en ’n oespermit sal ontvang.
– [email protected]
Kommentaar
Republikein
Geen kommentaar is op hierdie artikel gelaat nie