‘Elke druppeltjie maak die emmer vol’
Melkboere kry reddingsboei
Namibia Dairies sal 'n heffing van 75 sent per liter betaal vir alle rou melk wat gelewer word.
Elke druppeltjie help en maak die emmer vol.
So sê een van die drie oorblywende melkboere in die land, Riaan Barnard van die plaas Houvas in die Gobabis-distrik.
Dit volg nadat Namibia Dairies midde die versengende droogte ook ’n reddingsboei aan sy melkprodusente uitgegooi het.
Namibia Dairies het die implementering van ’n aanvullende winterheffing aangekondig om hul getroue melkboerderyvennote gedurende die uitdagende winterseisoen te ondersteun.
Onderhewig daaraan dat alle kwaliteitstandaarde nagekom word, sal die winterheffing van 75 sent per liter betaal word vir alle rou melk wat produsente tussen 1 Junie en 31 Augustus 2024 lewer.
“Hierdie inisiatief het ten doel om bykomende finansiële ondersteuning aan die gewaardeerde melkboere te bied tydens ’n tradisioneel uitdagende seisoen,” lui ’n verklaring van Namibia Dairies.
“Dit beklemtoon ook die maatskappy se dankbaarheid vir die jarelange vennootskap en toewyding om Namibia Dairies van hoëgehalte-rou melk te voorsien.”
Barnard het aan Agri Monitor gesê: “Ons is baie bly en dankbaar hiervoor. In hierdie stadium help elke druppeltjie om die emmer vol te maak.”
Hy is een van die drie vasbyters in die suiwelbedryf saam met Flip van Niekerk en die voorsitter van die Suiwelprodusentevereniging (SPV) van Namibië, Christo Lottering. Hulle boer almal in die Gobabis-distrik.
Met erkenning van die huidige handelsomgewing en die aansienlike spanning wat die voortslepende droogte veroorsaak, sê Namibia Dairies hy bly daartoe verbind om sy vennote in die suiwelbedryf na die beste van sy vermoë te ondersteun.
“Ons verstaan die groot uitdagings wat ons melkboere in die gesig staar, veral gedurende die winter. Die voortslepende droogte het ’n ongekende druk op hul bedrywighede geplaas,” sê Wynand Oosthuizen, die waarnemende besturende direkteur van Namibia Dairies.
“Hierdie aanvullende heffing is ’n bewys van ons verbintenis tot die volhoubaarheid en veerkragtigheid van die suiwelbedryf in Namibië.
“Ons hoop dit sal van die finansiële druk verlig wat ons boere ervaar en die voortgesette voorsiening van kwaliteit-suiwelprodukte aan die Namibiese publiek verseker.”
Oosthuizen sê: “Ons gee erkenning aan die harde werk en toewyding van ons melkboerderyvennote, wat ’n deurslaggewende rol speel in die handhawing van die gehalte en betroubaarheid van ons suiwelvoorsieningsketting.”
Hy meen hierdie inisiatief is deel van hul breër strategie om die landbousektor te ondersteun en by te dra tot die algehele stabiliteit en groei van die plaaslike suiwelbedryf.
“Ons vertrou dat hierdie aanvullende ondersteuning die finansiële welstand van ons boere positief sal beïnvloed. Namibia Dairies bly daartoe verbind om nou saam met ons vennote te werk om hierdie uitdagende tye te navigeer en ’n voortgesette, voorspoedige toekoms vir die suiwelsektor in Namibië te verseker.”
Oosthuizen het afgesluit deur Namibiërs aan te moedig om voort te gaan om eg Namibiese produkte te ondersteun – nie net die plaaslike suiwelbedryf nie, maar ook plaaslike vervaardiging in die algemeen.
VASBYT
Barnard sê hulle drie melkboere byt nog ondanks die droogte vas, “want die gras is nie altyd groener aan die ander kant nie”.
Hy het 140 melkkoeie op Houvas, wat sowat 50 km noordoos van Gobabis op die Buitepos-pad geleë is.
“Dit het vir baie jare skraps gegaan weens die droogte, maar ons druk deur.”
Met die reën wat die omgewing in Maart gekry het, is daar nou nog weiding in die veld, sê Barnard.
“Ons glo en vertrou die veld gaan hou. Al weet ons ons gaan verloor, bly ons maar dobbel,” maar ondanks dit glo Barnard steeds melkboerdery kan suksesvol wees.
In 2021 was Namibia Dairies se Superfarm by Mariental een van die oorblywende sewe melkprodusente. In 2015 was daar 15 melkprodusente in die land, volgens die SPV.
– [email protected]
So sê een van die drie oorblywende melkboere in die land, Riaan Barnard van die plaas Houvas in die Gobabis-distrik.
Dit volg nadat Namibia Dairies midde die versengende droogte ook ’n reddingsboei aan sy melkprodusente uitgegooi het.
Namibia Dairies het die implementering van ’n aanvullende winterheffing aangekondig om hul getroue melkboerderyvennote gedurende die uitdagende winterseisoen te ondersteun.
Onderhewig daaraan dat alle kwaliteitstandaarde nagekom word, sal die winterheffing van 75 sent per liter betaal word vir alle rou melk wat produsente tussen 1 Junie en 31 Augustus 2024 lewer.
“Hierdie inisiatief het ten doel om bykomende finansiële ondersteuning aan die gewaardeerde melkboere te bied tydens ’n tradisioneel uitdagende seisoen,” lui ’n verklaring van Namibia Dairies.
“Dit beklemtoon ook die maatskappy se dankbaarheid vir die jarelange vennootskap en toewyding om Namibia Dairies van hoëgehalte-rou melk te voorsien.”
Barnard het aan Agri Monitor gesê: “Ons is baie bly en dankbaar hiervoor. In hierdie stadium help elke druppeltjie om die emmer vol te maak.”
Hy is een van die drie vasbyters in die suiwelbedryf saam met Flip van Niekerk en die voorsitter van die Suiwelprodusentevereniging (SPV) van Namibië, Christo Lottering. Hulle boer almal in die Gobabis-distrik.
Met erkenning van die huidige handelsomgewing en die aansienlike spanning wat die voortslepende droogte veroorsaak, sê Namibia Dairies hy bly daartoe verbind om sy vennote in die suiwelbedryf na die beste van sy vermoë te ondersteun.
“Ons verstaan die groot uitdagings wat ons melkboere in die gesig staar, veral gedurende die winter. Die voortslepende droogte het ’n ongekende druk op hul bedrywighede geplaas,” sê Wynand Oosthuizen, die waarnemende besturende direkteur van Namibia Dairies.
“Hierdie aanvullende heffing is ’n bewys van ons verbintenis tot die volhoubaarheid en veerkragtigheid van die suiwelbedryf in Namibië.
“Ons hoop dit sal van die finansiële druk verlig wat ons boere ervaar en die voortgesette voorsiening van kwaliteit-suiwelprodukte aan die Namibiese publiek verseker.”
Oosthuizen sê: “Ons gee erkenning aan die harde werk en toewyding van ons melkboerderyvennote, wat ’n deurslaggewende rol speel in die handhawing van die gehalte en betroubaarheid van ons suiwelvoorsieningsketting.”
Hy meen hierdie inisiatief is deel van hul breër strategie om die landbousektor te ondersteun en by te dra tot die algehele stabiliteit en groei van die plaaslike suiwelbedryf.
“Ons vertrou dat hierdie aanvullende ondersteuning die finansiële welstand van ons boere positief sal beïnvloed. Namibia Dairies bly daartoe verbind om nou saam met ons vennote te werk om hierdie uitdagende tye te navigeer en ’n voortgesette, voorspoedige toekoms vir die suiwelsektor in Namibië te verseker.”
Oosthuizen het afgesluit deur Namibiërs aan te moedig om voort te gaan om eg Namibiese produkte te ondersteun – nie net die plaaslike suiwelbedryf nie, maar ook plaaslike vervaardiging in die algemeen.
VASBYT
Barnard sê hulle drie melkboere byt nog ondanks die droogte vas, “want die gras is nie altyd groener aan die ander kant nie”.
Hy het 140 melkkoeie op Houvas, wat sowat 50 km noordoos van Gobabis op die Buitepos-pad geleë is.
“Dit het vir baie jare skraps gegaan weens die droogte, maar ons druk deur.”
Met die reën wat die omgewing in Maart gekry het, is daar nou nog weiding in die veld, sê Barnard.
“Ons glo en vertrou die veld gaan hou. Al weet ons ons gaan verloor, bly ons maar dobbel,” maar ondanks dit glo Barnard steeds melkboerdery kan suksesvol wees.
In 2021 was Namibia Dairies se Superfarm by Mariental een van die oorblywende sewe melkprodusente. In 2015 was daar 15 melkprodusente in die land, volgens die SPV.
– [email protected]
Kommentaar
Republikein
Geen kommentaar is op hierdie artikel gelaat nie