Grootfontein Skou bied vermaak vir oud en jonk

Die Grootfontein Skou het Woensdag afgeskop en duur tot vandag. Die tentoonstelling en beoordeling van topstoetvee en ’n perdeskou is die hoogtepunte van die landbouskou waar ’n groot verskeidenheid innoverende landbouprodukte uitgestal word. Daar is talle stalletjies, smullekker kos en propvol vermaak vir oud en jonk van springkastele, waterglybane, perderitte, speletjiesarkade, ’n rolskaatsbaan tot ’n spookhuis.