Hoëlui baken glo weidingsgebiede af
'Prominente figure' betrokke
Die Okashana-gemeenskap wil die beweerde onwettige heinings rondom veeposte verwyder.
’n Groep van meer as 100 kommunale veewagters het Donderdag ’n ultimatum aan die Oshikoto-goewerneur, Penda Ya Ndakolo, en die polisie gestel: Hulle moet diegene hanteer wat na bewering hul grond beset en weidingsgebiede afgebaken het, of die veewagters sal die saak in hul eie hande neem.
Die grond ter sprake is by Okashana Kuukongo waNehale, ’n weidingsgebied naby die Etosha Nasionale Park in die Oshikotostreek waar verskeie prominente senior leiers van die Ondonga Tradisionele Owerheid, politici, prokureurs en sakelui glo gebiede afgebaken het wat voorheen as weiding deur kommunale boere in die omgewing gebruik is.
Die groep beweer dat dit onsensitief is om mense toe te laat om kommunale gebiede, veral weivelde, af te baken, gegewe die voortslepende droogte.
Veewagters en boere het Donderdag ’n vreedsame optog gehou en ’n klagskrif aan die streekraad oorhandig. Hulle sê die goewerneur, aan wie die klagskrif gerig is, is nie met ’n oog gesien nie.
Die groep sê as hulle teen 13 September geen reaksie ontvang nie, sal hulle die reg in eie hande neem.
“As niemand bereid is om na ons te luister nie, sal ons geen ander keuse hê as om die onwettige heinings rondom ons veeposte te verwyder nie,” het Selma Shipepo namens die groep gesê.
‘BESETTING’
Gemeenskapslede het hul teleurstelling teenoor die polisie en die Ondonga Tradisionele Owerheid uitgespreek.
“Die afbakening van Okashana-weivelde is gedoen sonder behoorlike konsultasie met die bestuur van die King Nehale-bewaringsgebied, die raad vir kommunale grond, asook geraakte veewagters en die hoofmanne van die nedersettings wat die afgebakende gebied omring,” het Shipepo gesê.
“Hulle het almal hul teleurstelling van so ’n besetting te kenne gegee.”
Die groep beweer hulle het ’n vergadering op 18 Februarie 2023 gehou en met die oplossing vorendag gekom dat die polisie die kwessie moet takel, maar hul versoek het glo op dowe ore geval.
“Ten spyte van alle pogings, het die grondbesetting tot nou toe voortgegaan. Ons boorgate, putte en sokkervelde by Omutsegombahe en Okwema is heeltemal afgebaken,” het Shihepa gesê.
“Ons vee is van hul weiding ontneem en dus is hulle beperk tot die korridors tussen onwetting heinings.
“Vandag loop ons diere lang afstande weens die feit dat voetpaadjies toegemaak is. Dit is hoekom van hulle saans deur motors gestamp word,” sê Shihepo.
Die groep se klagskrif is deur ’n beheer-administrateur van die Oshikoto-streekraad, Nico Aipummbu, in ontvangs geneem, wat gesê het hy sal verseker dat dit die betrokke kantore bereik.
– [email protected]
Die grond ter sprake is by Okashana Kuukongo waNehale, ’n weidingsgebied naby die Etosha Nasionale Park in die Oshikotostreek waar verskeie prominente senior leiers van die Ondonga Tradisionele Owerheid, politici, prokureurs en sakelui glo gebiede afgebaken het wat voorheen as weiding deur kommunale boere in die omgewing gebruik is.
Die groep beweer dat dit onsensitief is om mense toe te laat om kommunale gebiede, veral weivelde, af te baken, gegewe die voortslepende droogte.
Veewagters en boere het Donderdag ’n vreedsame optog gehou en ’n klagskrif aan die streekraad oorhandig. Hulle sê die goewerneur, aan wie die klagskrif gerig is, is nie met ’n oog gesien nie.
Die groep sê as hulle teen 13 September geen reaksie ontvang nie, sal hulle die reg in eie hande neem.
“As niemand bereid is om na ons te luister nie, sal ons geen ander keuse hê as om die onwettige heinings rondom ons veeposte te verwyder nie,” het Selma Shipepo namens die groep gesê.
‘BESETTING’
Gemeenskapslede het hul teleurstelling teenoor die polisie en die Ondonga Tradisionele Owerheid uitgespreek.
“Die afbakening van Okashana-weivelde is gedoen sonder behoorlike konsultasie met die bestuur van die King Nehale-bewaringsgebied, die raad vir kommunale grond, asook geraakte veewagters en die hoofmanne van die nedersettings wat die afgebakende gebied omring,” het Shipepo gesê.
“Hulle het almal hul teleurstelling van so ’n besetting te kenne gegee.”
Die groep beweer hulle het ’n vergadering op 18 Februarie 2023 gehou en met die oplossing vorendag gekom dat die polisie die kwessie moet takel, maar hul versoek het glo op dowe ore geval.
“Ten spyte van alle pogings, het die grondbesetting tot nou toe voortgegaan. Ons boorgate, putte en sokkervelde by Omutsegombahe en Okwema is heeltemal afgebaken,” het Shihepa gesê.
“Ons vee is van hul weiding ontneem en dus is hulle beperk tot die korridors tussen onwetting heinings.
“Vandag loop ons diere lang afstande weens die feit dat voetpaadjies toegemaak is. Dit is hoekom van hulle saans deur motors gestamp word,” sê Shihepo.
Die groep se klagskrif is deur ’n beheer-administrateur van die Oshikoto-streekraad, Nico Aipummbu, in ontvangs geneem, wat gesê het hy sal verseker dat dit die betrokke kantore bereik.
– [email protected]
Kommentaar
Republikein
Geen kommentaar is op hierdie artikel gelaat nie