La Niña kom dalk weer
April en Mei steeds belowend
LandWater sê die seisoen is nou "pens-en-pootjies" binne 'n interessante fase van die huidige reënseisoen.
Weerkundiges meen ’n derde agtereenvolgende La Niña kan tydens die 2022-’23-reënseisoen voorkom.
“Alhoewel dit nog te vroeg is om met sekerheid te sê, beteken dit wel dit is onwaarskynlik dat ’n El Niño sy verskyning sal maak – en dit is belangrik,” het die nieregeringsorganisasie LandWater Maandag gesê.
LandWater het toe ook grafieke van die Amerikaanse Nasionale Oseaniese en Atmosferiese Administrasie (NOAA) gedeel, wat toon dat La Niña-toestande steeds aanwesig is en deur die atmosfeer gerugsteun word.
LandWater sê La Niña-toestande is een van die belangrike drywers van die oorvloedige reën oor Suider-Afrika, asook van “die ‘sports’ wat nog op pad is vir die res van April en moontlik ook in Mei”.
LandWater sê die seisoen is nou “pens en pootjies” binne ’n interessante fase van die huidige reënseisoen.
Verder is verduidelik dat La Niña, wat “dogtertjie” beteken, saam met kouer seeoppervlaktemperature in die Stille Oseaan kom en meestal “goed” vir Suider-Afrika is. Daarteenoor is El Niño, wat “seuntjie” beteken, meestal “sleg” vir Suider-Afrika se reënvooruitsigte en word dit met warmer seeoppervlaktemperature in die Stille Oseaan vereenselwig.
OOREENSTEMMING
Die Australiese Buro vir Meteorologie sê ook die huidige La Niña is steeds aktief, maar sal na verwagting binnekort na neutrale vlakke terugkeer.
“Klimaatvooruitsigte dui steeds daarop dat neutrale Enso-toestande – nóg ’n La Niña nóg ’n El Niño – behoort teen die Suidelike Halfrond se láátsomer of vroeë winter in te tree.” Dit aldus die buro se vooruitskouing van 12 April.
Enso staan vir die El Niño- Suidelike Ossillasieklimaatspatroon.
“Selfs terwyl die La Niña verswak, sal dit steeds sy invloed oor wêreldwye weerpatrone behou. Dit sluit in dat dit die kanse op ’n bogemiddelde reënseisoen in Suider-Afrika verbeter.
“Enso-aanwysers in die atmosfeer en die see volstaan by La Niña-vlakke. Seeoppervlaktemperature is steeds koeler as normaal by die ewenaar. Vergeleke met twee weke vantevore, het die water nog ’n bietjie meer afgekoel in die oostelike deel van die Stille Oseaan – in die omgewing van die ewenaar.
“Handelswinde is sterker as normaal oor die westelike Stille Oseaan, terwyl die Suidelike Ossillasie-indeks (SOI) minder positief is.”
Die SOI is ’n maatstaf van die verhouding tussen seeoppervlaktemperature en oorhoofse weerstelsels en ’n aanwyser van La Niña-toestande. Wanneer dit in ’n positiewe fase is, wys dit dat La Niña-toestande heers, terwyl ’n negatiewe fase op ’n El Niño sou dui.
Die Indiese Oseaan-dipool (IOD) is tans in ’n neutrale fase. Dit het gewoonlik egter ’n geringe invloed op wêreldwye klimaatpatrone tussen Desember en April. – [email protected]
“Alhoewel dit nog te vroeg is om met sekerheid te sê, beteken dit wel dit is onwaarskynlik dat ’n El Niño sy verskyning sal maak – en dit is belangrik,” het die nieregeringsorganisasie LandWater Maandag gesê.
LandWater het toe ook grafieke van die Amerikaanse Nasionale Oseaniese en Atmosferiese Administrasie (NOAA) gedeel, wat toon dat La Niña-toestande steeds aanwesig is en deur die atmosfeer gerugsteun word.
LandWater sê La Niña-toestande is een van die belangrike drywers van die oorvloedige reën oor Suider-Afrika, asook van “die ‘sports’ wat nog op pad is vir die res van April en moontlik ook in Mei”.
LandWater sê die seisoen is nou “pens en pootjies” binne ’n interessante fase van die huidige reënseisoen.
Verder is verduidelik dat La Niña, wat “dogtertjie” beteken, saam met kouer seeoppervlaktemperature in die Stille Oseaan kom en meestal “goed” vir Suider-Afrika is. Daarteenoor is El Niño, wat “seuntjie” beteken, meestal “sleg” vir Suider-Afrika se reënvooruitsigte en word dit met warmer seeoppervlaktemperature in die Stille Oseaan vereenselwig.
OOREENSTEMMING
Die Australiese Buro vir Meteorologie sê ook die huidige La Niña is steeds aktief, maar sal na verwagting binnekort na neutrale vlakke terugkeer.
“Klimaatvooruitsigte dui steeds daarop dat neutrale Enso-toestande – nóg ’n La Niña nóg ’n El Niño – behoort teen die Suidelike Halfrond se láátsomer of vroeë winter in te tree.” Dit aldus die buro se vooruitskouing van 12 April.
Enso staan vir die El Niño- Suidelike Ossillasieklimaatspatroon.
“Selfs terwyl die La Niña verswak, sal dit steeds sy invloed oor wêreldwye weerpatrone behou. Dit sluit in dat dit die kanse op ’n bogemiddelde reënseisoen in Suider-Afrika verbeter.
“Enso-aanwysers in die atmosfeer en die see volstaan by La Niña-vlakke. Seeoppervlaktemperature is steeds koeler as normaal by die ewenaar. Vergeleke met twee weke vantevore, het die water nog ’n bietjie meer afgekoel in die oostelike deel van die Stille Oseaan – in die omgewing van die ewenaar.
“Handelswinde is sterker as normaal oor die westelike Stille Oseaan, terwyl die Suidelike Ossillasie-indeks (SOI) minder positief is.”
Die SOI is ’n maatstaf van die verhouding tussen seeoppervlaktemperature en oorhoofse weerstelsels en ’n aanwyser van La Niña-toestande. Wanneer dit in ’n positiewe fase is, wys dit dat La Niña-toestande heers, terwyl ’n negatiewe fase op ’n El Niño sou dui.
Die Indiese Oseaan-dipool (IOD) is tans in ’n neutrale fase. Dit het gewoonlik egter ’n geringe invloed op wêreldwye klimaatpatrone tussen Desember en April. – [email protected]
Kommentaar
Republikein
Geen kommentaar is op hierdie artikel gelaat nie