Meatco vergader met streekgoewerneurs
Moet samehorigheid onder sektore verbeter
Volgens die uitvoerende hoof, mnr. Mwilima Mushokabanji, was die doel van die hoëvlak-vergadering om sektorale samehorigheid asook bedryfsamewerking te verbeter.
Namibië se grootste uitvoerder van prima beesvleis, Meatco, het die afgelope Dinsdag met streekgoewerneurs op Otjiwarongo vergader.
Die doel van die oefening was om streekgoewerneurs te help om Meatco se strategie in terme van die Namibiese lewendehawebedryf te verstaan, het die maatskappy se uitvoerende hoof gesê.
Volgens die uitvoerende hoof, Mwilima Mushokabanji, was die doel van die hoëvlak-vergadering om sektorale samehorigheid asook bedryfsamewerking te verbeter.
Dit is nodig vir inklusiewe ontwikkeling en gedeelde welvaart, in ooreenstemming met visie 2030 en die Harambee-welvaartsplan II.
“Meatco is ‘n strategiese nasionale bate en die sukses daarvan is afhanklik van die ondersteuning van die streekregering om sy statutêre mandaat na te kom.
“Een van die maatskappy se verantwoordelikhede is om relevante belangegroepe te koördineer. Die vergadering met streekgoewerneurs was sodat hulle kan verstaan waarheen Meatco Namibië se lewendehawebedryf wil neem,” het hy gesê.
Mushokabanji het bygevoeg dat landbou in Namibië ‘n noodsaaklike rol in armoede speel en om voedselsekuriteit op beide huishoudelike en nasionale vlakke te verseker.
“Sowat 70% van ons bevolking is direk of indirek afhanklik van landbou in terme van voedsel, inkomste of om ‘n lewensbestaan te maak.
“Namibië is bekend vir die produksie van goeie gehalte vee en veeprodukte. Dit het ‘n hoë vraag na lewendehaweprodukte en lewende hawe in buurlande geskep, wat ten doel het om hul eie lewendehawe- en vleisnywerhede te ontwikkel deur Namibiese vee te koop vir teel- en slagdoeleindes,” het hy gesê.
Meatco voer tans beesvleis na Noorweë, die Verenigde Koninkryk, Europa, Reunion, Suid-Afrika, Demokratiese Republiek die Kongo, China en Hong Kong uit.
Dis die enigste slagplaas in Afrika wat beesvleis na Amerika uitvoer.
Mushokabanji sê vir Meatco om sy potensiaal te verwesenlik om jaarliks 250 000 beeste te slag, ‘n potensiële inkomste van N$4 miljard te verdien en meer as 2 500 werksgeleenthede te skep, moet die regering ‘n bevorderlike beleid en regulatoriese omgewing skep.
Dit is spesifiek as dit kom by die beheer van die uitvoer van lewende diere na Suid-Afrika, asook die voorsiening van produksiesubsidies, handelstoegewings, nywerheidsaansporings en bemarkingskemas.
Die goewerneur van die Otjozondjupastreek, James Uerika, het gesê Meatco se mandaat is om die belange van veeprodusente in Namibië te dien, te bevorder en te koördineer en streef na die stabilisering van die Namibiese vleisbedryf.
Verder ook om abattoirs en ander vleisfabrieke optimaal te benut en in stand te hou, en produkte binne Namibië en elders te bemark.
“Ons moet saamwerk en seker maak dat ons plaaslike kapasiteit skep; ons moet in ons ekonomie herbelê om seker te maak dat wat buite ons land gebeur, ons nie binne die land raak nie,” het hy gesê.
Uerika het die goewerneurs aangemoedig om instansies soos Meatco, wat vir boere is, te beskerm en seker te maak dit bly voortleef.
Die doel van die oefening was om streekgoewerneurs te help om Meatco se strategie in terme van die Namibiese lewendehawebedryf te verstaan, het die maatskappy se uitvoerende hoof gesê.
Volgens die uitvoerende hoof, Mwilima Mushokabanji, was die doel van die hoëvlak-vergadering om sektorale samehorigheid asook bedryfsamewerking te verbeter.
Dit is nodig vir inklusiewe ontwikkeling en gedeelde welvaart, in ooreenstemming met visie 2030 en die Harambee-welvaartsplan II.
“Meatco is ‘n strategiese nasionale bate en die sukses daarvan is afhanklik van die ondersteuning van die streekregering om sy statutêre mandaat na te kom.
“Een van die maatskappy se verantwoordelikhede is om relevante belangegroepe te koördineer. Die vergadering met streekgoewerneurs was sodat hulle kan verstaan waarheen Meatco Namibië se lewendehawebedryf wil neem,” het hy gesê.
Mushokabanji het bygevoeg dat landbou in Namibië ‘n noodsaaklike rol in armoede speel en om voedselsekuriteit op beide huishoudelike en nasionale vlakke te verseker.
“Sowat 70% van ons bevolking is direk of indirek afhanklik van landbou in terme van voedsel, inkomste of om ‘n lewensbestaan te maak.
“Namibië is bekend vir die produksie van goeie gehalte vee en veeprodukte. Dit het ‘n hoë vraag na lewendehaweprodukte en lewende hawe in buurlande geskep, wat ten doel het om hul eie lewendehawe- en vleisnywerhede te ontwikkel deur Namibiese vee te koop vir teel- en slagdoeleindes,” het hy gesê.
Meatco voer tans beesvleis na Noorweë, die Verenigde Koninkryk, Europa, Reunion, Suid-Afrika, Demokratiese Republiek die Kongo, China en Hong Kong uit.
Dis die enigste slagplaas in Afrika wat beesvleis na Amerika uitvoer.
Mushokabanji sê vir Meatco om sy potensiaal te verwesenlik om jaarliks 250 000 beeste te slag, ‘n potensiële inkomste van N$4 miljard te verdien en meer as 2 500 werksgeleenthede te skep, moet die regering ‘n bevorderlike beleid en regulatoriese omgewing skep.
Dit is spesifiek as dit kom by die beheer van die uitvoer van lewende diere na Suid-Afrika, asook die voorsiening van produksiesubsidies, handelstoegewings, nywerheidsaansporings en bemarkingskemas.
Die goewerneur van die Otjozondjupastreek, James Uerika, het gesê Meatco se mandaat is om die belange van veeprodusente in Namibië te dien, te bevorder en te koördineer en streef na die stabilisering van die Namibiese vleisbedryf.
Verder ook om abattoirs en ander vleisfabrieke optimaal te benut en in stand te hou, en produkte binne Namibië en elders te bemark.
“Ons moet saamwerk en seker maak dat ons plaaslike kapasiteit skep; ons moet in ons ekonomie herbelê om seker te maak dat wat buite ons land gebeur, ons nie binne die land raak nie,” het hy gesê.
Uerika het die goewerneurs aangemoedig om instansies soos Meatco, wat vir boere is, te beskerm en seker te maak dit bly voortleef.
Kommentaar
Republikein
Geen kommentaar is op hierdie artikel gelaat nie