N$890 miljoen se houtskool in 2020 uitgevoer
Uitvoerpyne weens verskepingskrisis al beter
Die houtskoolbedryf gaan van krag tot krag en dit lyk asof die bedryf selfs te midde van die internasionale tekort aan vraghouers, groei in uitvoer getoon het.
Die uitvoerpyne wat die houtskoolbedryf verlede jaar beleef het as gevolg van die internasionale verskepingskrisis en die gepaardgaande tekort aan vraghouers, is besig om te verbeter.
Toenemend meer vraghouers is vir die uitvoer van houtskool beskikbaar namate skeepsrederye soos Maersk hulle verbind om meer vraghouers aan die bedryf beskikbaar te stel.
Dit was een van die sleutelboodskappe Vrydag tydens die Houtskoolvereniging van Namibië (CAoN) se vyfde jaarvergadering en ekspo op die Otjiwa-wildplaas by Otjiwarongo.
Namibië voer gemiddeld 12 000 ton FSC-gesertifiseerde houtskool maandeliks uit. Dit beteken dit voldoen aan die internasionale standaarde wat deur die Bosbourentmeesterskapsraad (FSC) gestel word.
Volgens statistiek wat deur CAoN se bestuurder, mnr. Michael Degé, met lede gedeel is, het Namibië in 2020 bykans US$53,8 miljoen (N$890 miljoen) se houtskool na hoofsaaklik Europa (US$38,5 miljoen) en Suid-Afrika (US$10,1 miljoen) uitgevoer, met kleiner hoeveelhede na die Midde-Ooste, Australië, Asië en Amerika.
“Altesaam 152 000 ton is in 2020 deur die lede van die vereniging uitgevoer terwyl die land in totaal 200 000 ton uitgevoer het.
“Hoewel ons nog nie die syfer vir 2021 het nie, toon voorlopige syfer uitvoere deur CAoN het met 2% tot 3% verbeter,” sê Degé.
Hy sê Namibië was in 2020 die sesde grootste uitvoerder van houtskool in die wêreld en besit 3,8% van die mark. Indonesië, wat houtskool ter waarde van US$272,2 miljoen uitvoer, bedien 20,4% van die internasionale mark.
Degé het benadruk houtskool is hier om te bly terwyl houtasyn, of piroligneoussuur (PA), ook reusepotensiaal toon. Dit is ’n neweproduk wat verkry word wanneer die gasse van die kilns of brandoonde gekondenseer word.
Dit word in landbou as plaagdoder, kunsmis en vir veevoeraanvulling gebruik, terwyl dit ook as geurmiddel vir kos gebruik kan word.
Dit het ook sterk antibakteriese vermoëns as gevolg van die teenwoordigheid van organiese sure en fenoliese verbindings, maar Degé sê dit kan tot tien jaar duur voordat Namibië dit vir medisinale gebruik vir mense goedgekeur sal kry.
Hy sê 30 tot 40 liter kan verkry word wanneer 500 tot 600 kg bos gebrand word.
Volgens Degé sal boere die houtasyn na ’n sentrale verwerker vir finale verfyning, verpakking en uitvoer neem, net soos wat hulle met die houtskool doen.
Die prys per liter vir die finale produk kan tot soveel as N$150 beloop, sê hy.
Hy het Vrydag aan houtskoolprodusente verduidelik die stelsel wat by kilns vir die kondensering van die rook opgerig word, is eenvoudig en kos nie baie geld nie.
– [email protected]
Toenemend meer vraghouers is vir die uitvoer van houtskool beskikbaar namate skeepsrederye soos Maersk hulle verbind om meer vraghouers aan die bedryf beskikbaar te stel.
Dit was een van die sleutelboodskappe Vrydag tydens die Houtskoolvereniging van Namibië (CAoN) se vyfde jaarvergadering en ekspo op die Otjiwa-wildplaas by Otjiwarongo.
Namibië voer gemiddeld 12 000 ton FSC-gesertifiseerde houtskool maandeliks uit. Dit beteken dit voldoen aan die internasionale standaarde wat deur die Bosbourentmeesterskapsraad (FSC) gestel word.
Volgens statistiek wat deur CAoN se bestuurder, mnr. Michael Degé, met lede gedeel is, het Namibië in 2020 bykans US$53,8 miljoen (N$890 miljoen) se houtskool na hoofsaaklik Europa (US$38,5 miljoen) en Suid-Afrika (US$10,1 miljoen) uitgevoer, met kleiner hoeveelhede na die Midde-Ooste, Australië, Asië en Amerika.
“Altesaam 152 000 ton is in 2020 deur die lede van die vereniging uitgevoer terwyl die land in totaal 200 000 ton uitgevoer het.
“Hoewel ons nog nie die syfer vir 2021 het nie, toon voorlopige syfer uitvoere deur CAoN het met 2% tot 3% verbeter,” sê Degé.
Hy sê Namibië was in 2020 die sesde grootste uitvoerder van houtskool in die wêreld en besit 3,8% van die mark. Indonesië, wat houtskool ter waarde van US$272,2 miljoen uitvoer, bedien 20,4% van die internasionale mark.
Degé het benadruk houtskool is hier om te bly terwyl houtasyn, of piroligneoussuur (PA), ook reusepotensiaal toon. Dit is ’n neweproduk wat verkry word wanneer die gasse van die kilns of brandoonde gekondenseer word.
Dit word in landbou as plaagdoder, kunsmis en vir veevoeraanvulling gebruik, terwyl dit ook as geurmiddel vir kos gebruik kan word.
Dit het ook sterk antibakteriese vermoëns as gevolg van die teenwoordigheid van organiese sure en fenoliese verbindings, maar Degé sê dit kan tot tien jaar duur voordat Namibië dit vir medisinale gebruik vir mense goedgekeur sal kry.
Hy sê 30 tot 40 liter kan verkry word wanneer 500 tot 600 kg bos gebrand word.
Volgens Degé sal boere die houtasyn na ’n sentrale verwerker vir finale verfyning, verpakking en uitvoer neem, net soos wat hulle met die houtskool doen.
Die prys per liter vir die finale produk kan tot soveel as N$150 beloop, sê hy.
Hy het Vrydag aan houtskoolprodusente verduidelik die stelsel wat by kilns vir die kondensering van die rook opgerig word, is eenvoudig en kos nie baie geld nie.
– [email protected]
Kommentaar
Republikein
Geen kommentaar is op hierdie artikel gelaat nie