Vroue in landbou leer en inspireer mekaar
Hoë huurkoste, veediefstal, probleme met water, dig bewoonde landelike gebiede en duur grond is enkele van die faktore wat vroueboere daarvan weerhou om voorspoedig te boer.
Altesaam 15 vroue in boerdery het onlangs ’n inligtingsdag aan Windhoek se buitewyke gehou om mekaar met kennis te bemagtig om hul boerderypraktyke te verbeter. Die tema van die dag, wat op Brakwater aangebied is, was “As ’n vrou bemagtig word, word ’n familie bemagtig en waar ’n familie bemagtig word, word ’n nasie bemagtig”.
Verskeie gassprekers het die vroue toegespreek en daar is oor talle onderwerpe gepraat, insluitend dieregesondheid, geldsake en verskillende boerderymetodes.
Die groep het bestaan uit vroue wat nou betrokke is in gewas- en veeboerderye soos beeste, skape, bokke, varke en pluimvee. Die meeste is ontluikende boere wat steeds leiding nodig het.
BOERINNE
Een van die vroue was Adelma Damases, wat saam met haar man, John, op die plaas Okorusu 88 in die Otjiwarongo-omgewing met bokke, skape, beeste en pluimvee boer.
Hulle is ook mega-mielie- en -grasboere, wat veevoer op grootskaal vervaardig en deel vorm van die regering se Namsip-program as saadprodusente vir die land.
Die egpaar het verlede jaar 1 200 grasbale aan droogtegeteisterde boere in die Kunene- en Erongostreek geskenk en ook ’n boeredag vir die Visionary Farmers-groep aangebied.
Nog ’n deelnemer was Roswitha Brendell, ’n voedselwetenskaplike in wording en medestigter van Wellance Lifestyle Investment buite Windhoek, wat streef om gesonde en voedsame produkte te ontwikkel en die voedselverwerkingsbedryf in Namibië te verbeter en te bevorder.
Brendell sê op hul grond val die fokus op voedsel van goeie gehalte, terwyl hulle hul navorsing op kostedoeltreffende verwerkingsmetodes skoei.
“Ons het ’n navorsingstuin in Brakwater waar ons verskeie plante plant, soos onder meer kruie en groente wat mekaar komplementeer. Ons verkoop ook kruiesaailinge om ons navorsing te finansier.
“Buiten vir gewasverbouing, boer ons ook met bokke en skape op ons familieplaas, Tuxab East,” het sy gesê.
Beide Damases en Brendell het hul ervaring in die landboubedryf met die vroue gedeel en ook van ander geleer.
Brendell het gepraat oor metgesel-planting, grondvoorbereiding en die benutting van kruie soos suurlemoengras, basiliekruid, roosmaryn en boragie.
Die afgetrede verpleegster Elizabeth Doeses het aanvanklik die groep op WhatsApp begin. Dit bestaan uit sowat 50 vroue in landbou vanaf agt streke in die land.
– [email protected]
Altesaam 15 vroue in boerdery het onlangs ’n inligtingsdag aan Windhoek se buitewyke gehou om mekaar met kennis te bemagtig om hul boerderypraktyke te verbeter. Die tema van die dag, wat op Brakwater aangebied is, was “As ’n vrou bemagtig word, word ’n familie bemagtig en waar ’n familie bemagtig word, word ’n nasie bemagtig”.
Verskeie gassprekers het die vroue toegespreek en daar is oor talle onderwerpe gepraat, insluitend dieregesondheid, geldsake en verskillende boerderymetodes.
Die groep het bestaan uit vroue wat nou betrokke is in gewas- en veeboerderye soos beeste, skape, bokke, varke en pluimvee. Die meeste is ontluikende boere wat steeds leiding nodig het.
BOERINNE
Een van die vroue was Adelma Damases, wat saam met haar man, John, op die plaas Okorusu 88 in die Otjiwarongo-omgewing met bokke, skape, beeste en pluimvee boer.
Hulle is ook mega-mielie- en -grasboere, wat veevoer op grootskaal vervaardig en deel vorm van die regering se Namsip-program as saadprodusente vir die land.
Die egpaar het verlede jaar 1 200 grasbale aan droogtegeteisterde boere in die Kunene- en Erongostreek geskenk en ook ’n boeredag vir die Visionary Farmers-groep aangebied.
Nog ’n deelnemer was Roswitha Brendell, ’n voedselwetenskaplike in wording en medestigter van Wellance Lifestyle Investment buite Windhoek, wat streef om gesonde en voedsame produkte te ontwikkel en die voedselverwerkingsbedryf in Namibië te verbeter en te bevorder.
Brendell sê op hul grond val die fokus op voedsel van goeie gehalte, terwyl hulle hul navorsing op kostedoeltreffende verwerkingsmetodes skoei.
“Ons het ’n navorsingstuin in Brakwater waar ons verskeie plante plant, soos onder meer kruie en groente wat mekaar komplementeer. Ons verkoop ook kruiesaailinge om ons navorsing te finansier.
“Buiten vir gewasverbouing, boer ons ook met bokke en skape op ons familieplaas, Tuxab East,” het sy gesê.
Beide Damases en Brendell het hul ervaring in die landboubedryf met die vroue gedeel en ook van ander geleer.
Brendell het gepraat oor metgesel-planting, grondvoorbereiding en die benutting van kruie soos suurlemoengras, basiliekruid, roosmaryn en boragie.
Die afgetrede verpleegster Elizabeth Doeses het aanvanklik die groep op WhatsApp begin. Dit bestaan uit sowat 50 vroue in landbou vanaf agt streke in die land.
– [email protected]
Kommentaar
Republikein
Geen kommentaar is op hierdie artikel gelaat nie