Chaos oor grondbesetting op Katima
Huise by informele nedersetting gesloop
Die uitvoerende hoof het toegegee dat die raad se vorige besluite tot grondgrypery in die gebied bygedra het.
Kenya Kambowe
Die uitvoerende hoof van Katima Mulilo se dorpsraad, mnr. Raphael Liswaniso, het belowe om die “anargie-mentaliteit” wat oor die jare in dié dorp aan die broei is, uit te roei.
Inwoners van die informele nedersetting Lwanyanda moes verlede Donderdag toekyk hoe ’n stootskraper hul huise vernietig nadat die dorpsraad en ontwikkelaar Kayuni Investments ’n hofbevel aangevra het om die inwoners wat van onwettige grondbesetting beskuldig word, uit te sit.
Video’s en foto’s van die voorval het soos ’n veldbrand in die sosiale media versprei, maar die plaaslike owerheid hou vol die sloping van die huise was nodig aangesien onwettige grondbesetting in die dorp besig is om “handuit te ruk”.
Liswaniso het gesê die raad wil ’n einde bring aan die anargie wat oor die jare heen geheers het.
Die uitvoerende hoof het die afgelope naweek aan ons susterkoerant Namibian Sun gesê Lwanyanda is gebou op grond wat aan Kayuni Investments vir ’n behuisingsprojek toegeken is.
Dit is die tweede keer dat inwoners van Lwanyanda van dié grond verwyder moet word, het hy gesê en bygevoeg diegene wat dit in 2017 beset het, is ook uitgesit. Destyds is die kwessie aangeroer toe die raad die Nova-gebied gestig het en erwe op dié grond aan mense toegeken het.
Hy het gesê terwyl die meerderheid hulle in Nova hervestig het, het 16 inwoners geweier om dit te doen.
Liswaniso het diegene wat by Lwanyanda agtergebly het daarvan beskuldig dat hulle die grond onwettig bestuur, aangesien hulle erwe begin verkoop het aan grondlose mense wat na die gebied gestroom het, wat teen die Wet op Plaaslike Owerhede is, het hy bygevoeg.
Dit het na bewering daartoe gelei dat die inwoners wat na Nova verhuis het, hul nuwe erwe óf verkoop óf verhuur het en teruggetrek het na Lwanyanda.
‘ONS SAL OP HIERDIE GROND STERF’
Liswaniso het verder opposisiepolitici daarvan beskuldig dat hulle grondgrypery aanhits.
“Hulle sê vir mense die enigste manier om grond in die Swapo-regering te kry, is deur jou onwettig daarop te vestig en dán sal grond aan jou toegeken word.
“Hierdie mense het onversetlik gebly en gesê hulle sal op daardie grond sterf. Hulle het tien dae en ’n grasietydperk van sewe dae tot verlede week Woensdag gekry, toe die adjunkbalju van Windhoek af moes vlieg om die bevel uit te voer. Donderdag is die hofbevel uitgevoer ingevolge die howe se opdrag,” het Liswaniso gesê.
“So, dit is nie dat die raad nie grond aan die mense beskikbaar wou stel nie – dit is ’n leuen. Dit is die politici en onbetroubare opposisiepartye wat eintlik die mense wil oortuig dat hulle nooit grond van Swapo sal kry as hulle dit nie gryp nie.
“Dit is wat in Katima Mulilo sirkuleer. Dit het die dorp onregeerbaar gemaak.”
ONS FOUTE
Die uitvoerende hoof het toegegee dat die raad se vorige besluite tot die grondgrypery bygedra het.
Hy het gesê in 2014 het mense grond by die Lwayaha- informele nedersetting gegryp en pleks daarvan om hulle uit te sit, het die raad besluit om ’n memorandum van verstandhouding met hulle aan te gaan wat die inwoners toegelaat het om op die grond te vestig, mits hulle vir die erwe betaal.
’n Aantal politieke partye en aktiviste het die plaaslike owerheid veroordeel omdat hulle die huise by Lwanyanda gesloop het.
In reaksie hierop het Liswaniso hulle beskryf as opportuniste wat alles in hul mag doen om die regering onder Swapo te probeer destabiliseer.
– [email protected]
Die uitvoerende hoof van Katima Mulilo se dorpsraad, mnr. Raphael Liswaniso, het belowe om die “anargie-mentaliteit” wat oor die jare in dié dorp aan die broei is, uit te roei.
Inwoners van die informele nedersetting Lwanyanda moes verlede Donderdag toekyk hoe ’n stootskraper hul huise vernietig nadat die dorpsraad en ontwikkelaar Kayuni Investments ’n hofbevel aangevra het om die inwoners wat van onwettige grondbesetting beskuldig word, uit te sit.
Video’s en foto’s van die voorval het soos ’n veldbrand in die sosiale media versprei, maar die plaaslike owerheid hou vol die sloping van die huise was nodig aangesien onwettige grondbesetting in die dorp besig is om “handuit te ruk”.
Liswaniso het gesê die raad wil ’n einde bring aan die anargie wat oor die jare heen geheers het.
Die uitvoerende hoof het die afgelope naweek aan ons susterkoerant Namibian Sun gesê Lwanyanda is gebou op grond wat aan Kayuni Investments vir ’n behuisingsprojek toegeken is.
Dit is die tweede keer dat inwoners van Lwanyanda van dié grond verwyder moet word, het hy gesê en bygevoeg diegene wat dit in 2017 beset het, is ook uitgesit. Destyds is die kwessie aangeroer toe die raad die Nova-gebied gestig het en erwe op dié grond aan mense toegeken het.
Hy het gesê terwyl die meerderheid hulle in Nova hervestig het, het 16 inwoners geweier om dit te doen.
Liswaniso het diegene wat by Lwanyanda agtergebly het daarvan beskuldig dat hulle die grond onwettig bestuur, aangesien hulle erwe begin verkoop het aan grondlose mense wat na die gebied gestroom het, wat teen die Wet op Plaaslike Owerhede is, het hy bygevoeg.
Dit het na bewering daartoe gelei dat die inwoners wat na Nova verhuis het, hul nuwe erwe óf verkoop óf verhuur het en teruggetrek het na Lwanyanda.
‘ONS SAL OP HIERDIE GROND STERF’
Liswaniso het verder opposisiepolitici daarvan beskuldig dat hulle grondgrypery aanhits.
“Hulle sê vir mense die enigste manier om grond in die Swapo-regering te kry, is deur jou onwettig daarop te vestig en dán sal grond aan jou toegeken word.
“Hierdie mense het onversetlik gebly en gesê hulle sal op daardie grond sterf. Hulle het tien dae en ’n grasietydperk van sewe dae tot verlede week Woensdag gekry, toe die adjunkbalju van Windhoek af moes vlieg om die bevel uit te voer. Donderdag is die hofbevel uitgevoer ingevolge die howe se opdrag,” het Liswaniso gesê.
“So, dit is nie dat die raad nie grond aan die mense beskikbaar wou stel nie – dit is ’n leuen. Dit is die politici en onbetroubare opposisiepartye wat eintlik die mense wil oortuig dat hulle nooit grond van Swapo sal kry as hulle dit nie gryp nie.
“Dit is wat in Katima Mulilo sirkuleer. Dit het die dorp onregeerbaar gemaak.”
ONS FOUTE
Die uitvoerende hoof het toegegee dat die raad se vorige besluite tot die grondgrypery bygedra het.
Hy het gesê in 2014 het mense grond by die Lwayaha- informele nedersetting gegryp en pleks daarvan om hulle uit te sit, het die raad besluit om ’n memorandum van verstandhouding met hulle aan te gaan wat die inwoners toegelaat het om op die grond te vestig, mits hulle vir die erwe betaal.
’n Aantal politieke partye en aktiviste het die plaaslike owerheid veroordeel omdat hulle die huise by Lwanyanda gesloop het.
In reaksie hierop het Liswaniso hulle beskryf as opportuniste wat alles in hul mag doen om die regering onder Swapo te probeer destabiliseer.
– [email protected]
Kommentaar
Republikein
Geen kommentaar is op hierdie artikel gelaat nie