Erge armoede, honger in vlugtelingskamp
Ongereelde maandelikse rantsoene
Sonder dringende hulp staar vlugtelinge in Osire erge vlakke van armoede en honger in die gesig.
Henriette Lamprecht – Nege uit tien huishoudings in die Osire-vlugtelingskamp kan nie in hul lewensbehoeftes voorsien nie, terwyl die helfte van die vlugtelinge nie in staat is om in hul basiese voedselbehoeftes te voorsien nie.
Sonder dringende hulp, sê ’n verslag, staar vlugtelinge in die kamp selfs meer kritieke vlakke van armoede en honger in die gesig.
Die verslag oor voedselonsekerheid deur die Verenigde Nasies (VN) se vlugtelingagentskap (UNHCR) en die Wêreldvoedselprogram maan huishoudings bestaande uit vlugtelinge is meer geneig om voedseltekorte as Namibiese inwoners te ervaar. Vroue wat aan die hoof van huishoudings staan, is meer geneig tot voedseltekorte as hul manlike eweknieë, met 82% van huishoudings met vroue aan die stuur wat swak voedselverbruik het teenoor die 74% in die geval van mans.
Bydraende faktore sluit in beperkte ekonomiese geleenthede en uitgeputte voedselrantsoene. Maandelikse rantsoene wissel tussen 14 en 21 dae weens ongereelde en vertraagde verspreiding weens begrotingsbesnoeiings wat gereeld voorkom. Die verslag stel ook ’n strategie voor om geteikende voedselhulp aan vlugtelinge te voorsien en lig die behoefte uit om ruimte vir ekonomiese bemagtiging te skep. Laasgenoemde kan gedoen word deur die ontwikkeling van vaardighede en werksgeleenthede binne en buite die kamp.
“Die bevindinge van die verslag is nogal kommerwekkend. Ons bly daartoe verbind om te verseker dat in die basiese behoeftes van vlugtelinge voorsien word, terwyl hul integrasie in die breër nasionale ontwikkelingsplanne ook bevorder word,” beklemtoon Monique Ekoko, UNHCR se verteenwoordiger vir die Suid-Afrika veellandige kantoor.
“Ons gesamentlike strategie vir die mobilisering van hulpbronne en voorspraak by die regering het ten doel om noodsaaklike humanitêre hulp te verleen. Dit sluit voedsel en ondersteuning vir lewensbestaan in wat gebaseer is op die gapings wat in die huidige stelsel geïdentifiseer is.
Die verslag verwys ook na die voordele van die oorskakeling na kontantbydraes om vlugtelinge te hulp om hul eie goedere soos kos en ander noodsaaklikhede aan te koop. Dié benadering hoop om die doeltreffendheid van hulpverlening te verbeter, terwyl die waardigheid en outonomie van die gemeenskap gehandhaaf word. Die inisiatief verteenwoordig ’n beduidende stap vorentoe om die uitdagings te takel wat vlugtelinge in Osire in die gesig staar. – [email protected]
Sonder dringende hulp, sê ’n verslag, staar vlugtelinge in die kamp selfs meer kritieke vlakke van armoede en honger in die gesig.
Die verslag oor voedselonsekerheid deur die Verenigde Nasies (VN) se vlugtelingagentskap (UNHCR) en die Wêreldvoedselprogram maan huishoudings bestaande uit vlugtelinge is meer geneig om voedseltekorte as Namibiese inwoners te ervaar. Vroue wat aan die hoof van huishoudings staan, is meer geneig tot voedseltekorte as hul manlike eweknieë, met 82% van huishoudings met vroue aan die stuur wat swak voedselverbruik het teenoor die 74% in die geval van mans.
Bydraende faktore sluit in beperkte ekonomiese geleenthede en uitgeputte voedselrantsoene. Maandelikse rantsoene wissel tussen 14 en 21 dae weens ongereelde en vertraagde verspreiding weens begrotingsbesnoeiings wat gereeld voorkom. Die verslag stel ook ’n strategie voor om geteikende voedselhulp aan vlugtelinge te voorsien en lig die behoefte uit om ruimte vir ekonomiese bemagtiging te skep. Laasgenoemde kan gedoen word deur die ontwikkeling van vaardighede en werksgeleenthede binne en buite die kamp.
“Die bevindinge van die verslag is nogal kommerwekkend. Ons bly daartoe verbind om te verseker dat in die basiese behoeftes van vlugtelinge voorsien word, terwyl hul integrasie in die breër nasionale ontwikkelingsplanne ook bevorder word,” beklemtoon Monique Ekoko, UNHCR se verteenwoordiger vir die Suid-Afrika veellandige kantoor.
“Ons gesamentlike strategie vir die mobilisering van hulpbronne en voorspraak by die regering het ten doel om noodsaaklike humanitêre hulp te verleen. Dit sluit voedsel en ondersteuning vir lewensbestaan in wat gebaseer is op die gapings wat in die huidige stelsel geïdentifiseer is.
Die verslag verwys ook na die voordele van die oorskakeling na kontantbydraes om vlugtelinge te hulp om hul eie goedere soos kos en ander noodsaaklikhede aan te koop. Dié benadering hoop om die doeltreffendheid van hulpverlening te verbeter, terwyl die waardigheid en outonomie van die gemeenskap gehandhaaf word. Die inisiatief verteenwoordig ’n beduidende stap vorentoe om die uitdagings te takel wat vlugtelinge in Osire in die gesig staar. – [email protected]
Kommentaar
Republikein
Geen kommentaar is op hierdie artikel gelaat nie