Jong kinders sukkel om te oorleef

Angolese kinders loop steeds in dorpe in die noorde van die land se strate rond en verkoop houtware om te oorleef. Terwyl die owerhede nog die kwessie moet takel, loop die kinders in die strate rond, veral in Oshakati, waar hulle mense nader om hul ware te koop. As mense weier om ’n produk te koop, smeek die kinders dikwels vir kleingeld en sê hulle het geld nodig om ’n brood te koop. In 2022 het ons susterkoerant Namibian Sun artikels oor hierdie kwessie gepubliseer waarin berig word dat die kinders uit hul land van herkoms na Namibië gevlug het vir beter geleenthede. Daar is ook talle bewerings dat volwassenes die kinders dwing om die houtware te verkoop en te bedel. FOTO Kenia Kambowe