Volksmoord-nasate vra vir grondbeleid

Elizabeth Kheibes –Afstammelinge van die slagoffers van die volksmoord in Namibië het ’n beroep op die regering gedoen om ’n grondbeleid te ontwikkel wat spesifiek daarop gemik is om grond aan hulle te gee as vergoeding vir die grond wat gewelddadig van hul voorvaders tydens die 1904-1908-volksmoord afgevat is. Gedurende die tydperk het geaffekteerde gemeenskappe groot stukke grond en vee verloor wat deur die Duitsers gekonfiskeer is.Vekondja Tjikuzu, ’n lid van die tegniese komitee van hoofmanne, het gesê die regering het versuim om die afstammelinge van die Nama-Herero-volksmoord te herposisioneer en te help herintegreer.GEBREK AAN OPTREDE Tjikuzu sê die Ovaherero-mense voel steeds die gevolge van die massavolksmoord aangesien hulle op grond bly wat nie aan hulle behoort nie. Hy het gesê die regering het nie daarin geslaag om die afstammelinge suksesvol te hervestig nie.“Ons voorvaders het vrugbare grond gehad, maar ons is na ander gebiede ontwortel. Die maatskaplike, ekonomiese en sielkundige gevolge word vandag nog deur die afstammelinge gevoel en sal steeds ’n werklikheid bly as dit nie getakel word nie,” het hy gesê.Tjikuzu het gesê die regering se standpunt en soms die gebrek daaraan oor kwessies rondom grond en hervestiging, het dinge “vererger” in plaas daarvan om die situasie te verbeter.“Eerstens, die regering se huidige hervestigingsbeleide maak nie voorsiening vir mense wat grond verloor het nie. Die regering het egter nou ’n nuwe beleid ingestel waarin hulle probeer om samesprekings met die geaffekteerde gemeenskappe te voer. Ek sien dit maak alles erger,” het hy gesê. Hy het aan Republikein se susterkoerant Namibian Sun gesê geen gesprek oor volksmoord kan plaasvind sonder om grond en ontworteling te noem nie.“Dieselfde kan gesê word vir die bespreking van grondloosheid sonder om volksmoord te noem. Dit is gelyke kwessies aan die voorpunt van ons saak,” het hy gesê.GEEN HELPTjikuzu het gesê dorpe is oorvol weens ontworteling.“Die regering se huidige beleid help niemand nie. Buiten die genoemde kwessies is daar die kwessie van grondgrype waarmee ons steeds worstel. “Mense met ’n groot aantal vee in kommunale gebiede is diegene wat vir hervestigingsplase oorweeg moet word, sodat hulle die ruimte kan skep wat hulle nodig het vir hul vee.”Hy het bygevoeg: “Ons sien nou dat mense wat kan bekostig om na kommersiële gebiede te trek, diegene onder die nuwe voorgestelde hervestigingsbeleid is, wat aan beter en groter plase toegewys sal word.”Vrydag was die 120ste herdenking van die begin van die opstanding teen Duitsland se besetting. – republikein@republikein.com.na

Volksmoord-nasate vra vir grondbeleid

Kommentaar

Republikein 2025-04-07

Meld asseblief aan om kommentaar te lewer

Volksmoord-nasate vra vir grondbeleid

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie