Zim-boer kom in Windhoek aan

Ben Freeth het gister sy reis na die Suider-Afrikaanse Ontwikkelingsgemeenskap (SADC) se tribunaal in Windhoek voltooi. Hy het te perd van Zimbabwe na Windhoek gereis om ’n memorandum aan die tribunaal te oorhandig wat vra dat die hof tot sy volle mag herstel word. In November 2008 het Freeth ’n hofsaak in dié hof gewen toe ’n uitspraak gelewer is wat beslis het dat onteiende Zimbabwiese boere na hul plase kan terugkeer. Oudpresident Robert Mugabe het egter die tribunaal gestuit en sy regering het gevolglik onttrek. Die tribunaal se magte is in 2021 beperk tot dispute tussen SADC-lidlande.