Afrika. . .

MOGAMAT SALIE SABAN SKRYF:

Vrinnelik met plooie groet

Afrika warm in my bloed

Duinsand tussen die tone

Afgespoel inni oseaan blou.

Mosaïek-legkaart ingeweef

Tuis waar ons leef

Van die Nyl, Afrika bo

Kokerboom, suid ons glo.

Suid van Tafelberg kleed

Loop ons deur dorre woestyn

Voete natgemaak te Okavango

Groet ons Savanna groen.

Ewenaar verdeel ons vreedsaam

Sneeu op Kilimanjaro

Padlangs geswem inni Nyl

Sahara begrawe die piramide.

Wyse manne uit die ooste

Glimlag sonsak inni weste

Naglug-sterre hemel gloei

Bloue oseaan my maag gevoel.

Van die onner die kors

Glimlag metale skitter blink

Afrika ons huis

Ja-ja, ons is tuis.