Die jeug moet die sirkel breek

KOOS SWARTS SKRYF:

Ons glo die jeug is nou die enigste wat die sirkel van rommelstrooi kan breek.

Na vele pogings het ons al tien skole op Okahandja genader om te help. ’n Vergadering is belê en ons is eenstemmig dat dit ’n groot deel van ’n oplossing is. Ons wil graag deel wees van oplossings en nie probleme nie.

Die munisipaliteit is ook deel van die span, want hulle bly in alle opsigte die sentrum van die dorp. Ons wil net hande vat en nie hulle werk oorneem nie.

Felix werk hard om die dorp skoon te hou, terwyl twee trokke stukkend bly. Die eerste prioriteit is om in samewerking met Rent-a-Drum met herwinning te begin.

Ons roep elke inwoner, besoeker, toeris , kampeerder in die rivier en huurmotors uit alle oorde van Namibië op om te help. Ons wil nie langer Puindorp genoem word nie, maar die naam van Tuindorp in ere herstel.

Wat hartseer is, is as mense sonder grense hulle rommel net in bos gaan stort. Daar gaan niemand dit optel nie. Over geset synde.

Semper Prorsum ... ever forward.