Gaan dit oor eie belang en propaganda

ANONIEM SKRYF:Keetmanshoop het die afgelope 34 jaar reeds verskeie munisipalerade gehad. Almal daarvan het die geleentheid gehad om die dorp positief te ontwikkel, tot voordeel van die Suide. Die huidige Raad veroorsaak egter weereens ongelukkigheid en ongemak onder die inwoners. Daar is ŉ tender uit vir die aankoop van ŉ excavator vir die dorp, teen ŉ moontlike bedrag van N$5,000,000.00, dalk meer.Die doel is blykbaar vir gebruik om erwe te ontwikkel. Geen melding egter hoe dié masjien geskuif sal word, wat gedoen sal moet word in die toekoms. Nog ŉ “lowbed" of hoe?Daar lê reeds verskeie onbenutte leë erwe waarop reeds ŉ paar miljoen dollar spandeer is. Byvoorbeeld een area met riool, beligting, ens. Omdat ŉ groot werkloosheid ook in die Suide bestaan, kan hande arbeid in die geval nie aangewend word nie? Baie van die strate in areas soos Westdene en Noordhoek, het in 34 jaar van onafhanklikheid nog nooit weer opgradering gesien of onderhoud soos gruis daarop, beleef nie. Dit is verspoel en word al meer vernietig soos onlangs met die sterk bui reën wat hier was. Die dorp beskik nie meer oor ŉ eie padskraper of waterlorrie nie. Beide kan dalk aangekoop word vir minder as ŉ excavator se geld? Daar is berigte van ŉ besoek aan Mosselbaai waaruit ŉ ooreenkoms gevloei het. Kenia is glo ook besoek vir ŉ leierskap kursus deur sekeres. Toelaes per dag vir diegene wat dit onderneem het, beloop glo tussen 3800 tot 4000 per persoon per dag? Kon dié leierskap kursus nie maar in Namibië gedoen word nie, moet ŉ mens nie daardie eienskappe reeds besit as jy ŉ Raadslid of senior amptenaar in diens van ŉ Plaaslike Owerheid word nie? Daar word nooit met die publiek hieroor gekommunikeer nie, nog minder terug voering gegee. Kan die PR mense van die Keetmanshoop Munisipaliteit dit asseblief voorsien, of word u verhoed? Dit wil voorkom, asof baie van hierdie optredes gaan oor eie belang en propaganda en nie tot voordeel van die inwoners of die dorp nie. Mens wonder wat is die visie van die Keetmanshoop munisipaleraad vir dié dorp. Krag- en watertariewe is reeds van die duurste in die land. Hoe gaan hul dit ŉ aantreklike beleggings dorp maak vir moontlike beleggings, vir groei en ontwikkeling. Baie dankie vir privaat individue en besighede wat baie insit om ons dorp aan die gang te hou. Wat ten spyte van groot uitdagings, vasbyt.

Gaan dit oor eie belang en propaganda

Kommentaar

Republikein 2025-04-18

Meld asseblief aan om kommentaar te lewer

Gaan dit oor eie belang en propaganda

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie