Gedagte gang

MOGAMAT SALIE SABAN SKRYF:

So rooi soos die son ons groet

My oggend brousel warm en soet

So wyd as die dag klim

Verdwyn my brousel soos ’n skim.

In die hartland van ons land

My gedagtes annerkant die rant

Daglig warm en mooi

Gedagte gang ontplooi.

Vas op die rooi warm sand

Afrika-son aan die brand

’n Skouspel hierdie uur

Gedagte gang in God se natuur.

Danke My Hemel Heer

U Hand wat die natuur regeer

In skadu van die kameeldoring

Middagson steek jou doring.

Hier in Afrika gebore, getoë

’n Traan in my oog bewoë

Standvastig na dors geles

Gedagtegang in Afrika met sukses.

Saam met die kraai oppidraad

Bobbejaan skreeu wie traak

Olifant trompetter kwaai

Walvis ploeter inni baai.

In ons hartland tuis

Afrika is my huis

’n Wandelstaf in my hand

Songroet aan die anderkant.