Koekbak. . .

MOGAMAT SALIE SABAN SKRYF:

Ja-nee, nie vir sissies nie

Voeg saam as gevolg

Kry jou maat se lepel reg

Kamertemperatuur botter is eg.

Ses geskeide eiers. . . hoe nou?

Watter hoeners was getroud of geskei

Melk afgeroom of geskurf

‘n Groot flop met baie durf.

Koekmeel afgemeet op ‘n dieet

Knippie sout en lepel suiker

Neutmiskiet of -muskaat

Voeg tesame met woord en daad.

Olie en melk geklits

Geroom en brom met blits

Noukeurig gefluister en gemeng

Angstig. Benoud, hier kom ‘n deng.

Inni oond en plaas hitte by

Staan op. Ja, rys en kry lewe

Vermeng room, botter en geur

Uit oond, afkoel en dan smeer.

Geniet. Genot heilsaam met tee

Met ‘n skinner woord daarmee

Koekbak issi vir sissies nie

Koekroller sal ‘n antwoord gee.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.