Lüderitz-reent – 2 en 3 Junie

MOGAMAT SALIE SABAN SKRYF:

So vanuit die noordwe

Grys kombers leer ons ʼn les

Bibber ja voor die kolestoof

Brousel warm, staan sterk inni geloof.

Welkom vroeg inni nag

Reent koud met ʼn glimlag

Dit is daai koue wind met geur

Lekker ja lekker, woestyn kry kleur.

Lüderitz se koppies en rantjies verkleur

Reent welkom, ʼn eer aan Ons Heer

Sag kom klop aan my venster

Nagslaap versteur en my oë glinster.

Daar diep agter inni Namib droog

Gemsbok met ʼn traan in die oog

Volstruis gras droog en geel

Reent sal als kom heel.