My eie ek

MOGAMAT SALIE SABAN SKRYF:

Ryk met liefde en respek

Trots gebou is eer, my eie ek

Deur baie min geag

Bloed vermeng God's gelag

Pa vanuit oos, Malei se kroos

Ma vanaf noord, Hollandse woord.

Praat maar sag met my.

My eie reg in Afrika gekry

Gebore doer, de skoonste Kaap

Getoeë Suidwes, vroegere sewentigs tot nou

Gehou soos ‘n nylon tou

Snoek verlief geëet soos nou

Daar waar skoorstene kreun

Almal probeer kieste volmaak

Geld volop is uit de groot blou dam

My eie ek sweer nie wraak

‘n Gryskombers pla nie vi my

Suidwes blaas my ore verby

Hier waar die stof staan

My eie ek sal sterk staan

Soos vanaf de ou houtkaai

Skuins by de groot duin se draai

Waar wind teen my boesem slaan

My eie ek geniet my bly plek.